Le teacht ar Tuairisc.ie…

Bíodh súil in airde agaibh mar is gnáth le roinnt scéalta agus colúin shuimiúla eile ar Tuairisc.ie sna laethanta amach romhainn agus leithéidí Phóilín Uí Chiaráin, Dara Ó Cinnéide, Sara Ní Chuirreáin, Cathal Mac Coille, Mártan Ó Ciardha, John Allen, Máire Ní Fhinneadha agus Alex Hijmans i mbun pinn againn.

Ná bíodh aon leisce oraibh teagmháil a dhéanamh linn faoi aon ghné d’obair Tuairisc.ie ag nuacht@tuairisc.ie nó ar Facebook nó Twitter. Scaipigí an scéal, le bhur dtoil!

Na scéalta is mó a léadh ar Tuairisc.ie an tseachtain seo

Tús á chur le clár lán-Ghaeilge ar 2fm den chéad uair – agus Ed Sheeran ag casadh i nGaeilge ar albam nua!

Peadar Ó Croimín, an chéad Uachtarán tuata ar Choláiste Mhuire gan Smál, imithe ar shlí na fírinne 

‘Ná ceadaígí an scannal seo atá náiriúil amach is amach’ – dúshlán an Fhorais tugtha faoin tionscadal foclóra

Coláiste Eoin i mBÁC ar an scoil is mó a sholáthraíonn mic léinn d’institiúidí tríú leibhéal de réir liosta nua

Tinn tuirseach de 1916 – go mbeannaí duit, a 2017 is beannaithe thú i measc blianta!

A ndúirt siad…

‘Blackface! Ciníochas!’ a bhéiceann dream amháin nuair a fheiceann siad Zwarte Piet, giolla Sinterklaas, laoch na féile is tábhachtaí i bhféilire na hÍsiltíre, níos tábhachtaí ná an Nollaig féin.‘Traidisiún! Féiniúlacht!’ a bhéiceann an dream eile.’

Alex Hijmans

‘Faoin am seo, is sine qua non é go mbeadh príomhfheidhmeannach féintábhachtach i dteideal tuarastail a bheadh ar aon chéim le tuarastail scór daoine sa ‘ghnáthshaol’. ‘Because I’m worth it,’ an mana sotalach a úsáidtear chun a leithéid de chamastaíl a chosaint.’

Mícheál Ó Ruairc

‘D’imigh mná agus cailíní óga, ina mílte go Sasana, a lán acu scanraithe, cráite, cuid acu ina n-aonar, roinnt eile nach raibh, ach iad go léir ag iarraidh fuascailte nach raibh le fáil sa bhaile. Bhí cuid acu torrach de bharr ionsaithe a rinneadh orthu taobh istigh nó taobh muigh den teaghlach.’ 

Póilín Ní Chiaráin

‘Tuigim go maith go dtuillimid foclóir, ach i bhfianaise an ghanntanais airgid, agus an gearradh siar uafásach, scannalach, náiriúil atá á dhéanamh ar an Scéim Pobal Gaeilge, ní thiocfadh le haon Ghael a bhfuil coinsias acu an tionscadal foclóra reatha seo a cheadú.’

Jake Mac Siacais, Stiúrthóir Forbairt Feirste

‘Má tá an Ghaeilge le bheith ina teanga nua-aimseartha seachas ina in caitheamh aimsire nó ina teanga ócáidiúil, caithfear tograí mar seo [tograí foclóireachta] a chur i gcrích.’

Dáithí Mac Cárthaigh, Iar-Uachtarán Chonradh na Gaeilge

Rogha na seachtaine

Cé a bheadh ‘ólta’ nuair a d’fhéadfadh sé a bheith ‘ina chamstáca’? Tá gá le Foclóir Pótaireachta…

‘We did not touch the heart of the people…we knew only English’ – W. B. Yeats

‘Bhuel, ní raibh mé rómhaith anuraidh agus tháinig Santaí’

‘Mar a chéile atá an argóint fhabhtach in éadan na foclóireachta agus na hargóintí a rinneadh in éadan bhunú Theilifís na Gaeilge’

Sin é ár mbuille-ne tugtha an turas seo.

Kevin Hickey 

Thar ceann fhoireann Tuairisc.ie