An tAire Breisoideachais agus Ardoideachais, Taighde, Nuálaíochta agus Eolaíochta, James Lawless, a sheol taispeántas cartlainne 'Iorras Aithneach – Cliabhán an Chultúir'. Tá an taispeántas, curtha i dtoll a chéile ag Acadamh na hOllscolaíochta Gaeilge, Ollscoil na Gaillimhe, lonnaithe in Ionad an Acadaimh i gCarna. Pictiúir: Seán Ó Mainnín
Filí agus scríbhneoirí Chorcaí Chorcaí ag caint ag Dinnseanchas sa Taibhdhearc. Togra é Dinnseanchas, a d'eagraigh na foilsitheoirí Có Iar-Chonnacht, a dhéanann nascadh idir an litríocht nua-aimseartha agus an dinnseanchas sa litríocht. Lorraine Ní Chathasaigh agus Seán Óg Ó Duinnín a labhair. Bhí ócáidí Gaeilge eile ar siúl timpeall chathair na Gaillimhe mar chuid d'fhéile Cúírt. Pictiúir: Seán Ó Mainnín
Seacht ngrúpa cheolmhara a bhí san iomaíocht don chraobh ag Siansa 2026 Gael Linn ach go dtí chontae an Chláir a chuaigh an corn. Is iad Aistear na curaidh náisiúnta agus údar gliondair acu féin agus a lucht leanta. Pictiúir: Seán Ó Mainnín
Ghlac 26 foireann agus 106 scoláire ó scoileanna ar fud na tíre páirt i gcraobhchomórtas Tráth na gCeist Feachtas i mBaile Átha Cliath le deireanaí. Pictiúir: Seán Ó Mainnín
Is iad Coláiste Ráth an Dúin, Gleann na gCaorach, Baile Átha Cliath seaimpíní na sinsear 2026 tar éis dóibh an comórtas díospóireachta an Phiarsaigh Gael Linn a thabhairt leo agus Meánscoil Loreto, Leitir Ceanainn, Co Dhún na nGall a bhuaigh an craobh shóisir. PIctiúir: Seán Ó Mainnín
An tseachtain seo caite, sheol Uachtarán na hÉireann, Catherine Connolly tuarascáil faoi staid na Gaeilge in Ollscoil Mhá Nuad, 'Ár gCampas, Ár dTeanga'. De réir na tuarascála léirigh 90% de mhic léinn a dtacaíocht do chur chun cinn na Gaeilge san ollscoil. Pictiúir: Seán Ó Mainnín
Bhí lá stairiúil ag an bhfoireann rugbaí as Conamara, An Ghaeltacht, le déanaí, nuair a bhain siad áit amach i gcluiche ceannais sraithe J2 sa Ghaillimh. Cé gur chaill siad an cluiche ar éigean, 16-14, in aghaidh Dhún Mór i bPáirc Corinthians i nGaillimh, ba mhór an t-éacht a bhí déanta acu i mbliana, an chéad bhliain riamh go raibh foireann daoine fásta san iomaíocht acu. Pictiúir: Seán Ó Mainnín
Rinne Uachtarán na hÉireann, Catherine Connolly ceiliúradh ar 'fhís na scoláirí le haghaidh Éire na todhchaí' ag seóthaispeántas náisiúnta do scoileanna lán-Ghaeilge le linn Muintearas ’26 in Óstán An Connacht, i nGaillimh le déanaí. D'fhreastail os cionn scór scoil lán-Ghaeilge de chuid na mBord Oideachais agus Oiliúna ar fud na tíre ar an ócáid a d'eagraigh Boird Oideachais agus Oiliúna Éireann. Pictiúir: Seán Ó Mainnín
Bhain spraoi agus spleodar le paráid na Féile Pádraig ar an Spidéal i gConamara i mbliana. Pictiúir: Iain McDonald
Reáchtáladh an pharáid ba mhó i nGaeltacht Conamara ar an gCeathrú Rua. Ba iad Donald Trump, cúrsaí ola, an fheamainn aa bhí ag dó na geirbe ag lucht na bhflótanna agus ba mhór an spórt iad don slua mór a bhí i láthair Pictiúir: Seán Ó Mainnín/Tuairisc
