Bhí údar díomá ag foireann An Spidéil Dé Domhnaigh seo caite. Bhí craobh idirmheánach an chontae beagnach ag foireann na Gaeltachta i dTuaim murach an cúl cinniúnach a scóráil An Chealtrach. Pictiúir: Seán Ó Mainnín
Bronnadh Gradam Uí Shúilleabháin ar Bódléar, le Darach Ó Scolaí, foilsithe ag Leabhar Breac ag mórbhronnadh dhuaiseanna foilsitheoireachta an OIreachtais sa Taibhdhearc an Mháirt seo caite. Is ar 'Éanna Corr' le hAntain Mac Lochlainn a bronnadh Gradam Réics Carló, foilsithe ag Leabhar Breac agus bronnadh Gradam de Bhaldraithe ar 'Tír Bheag', aistrithe ag Antain Mac Lochlainn agus foilsithe ag Barzaz. Pictiúir: Seán Ó Mainnín
Sheol iarchraoltóir RnaG Máirtín Tom Sheáinín CD nua d'amhráin Áine Durkin 'Amhráin Áine' i dTí Mhichael Jeaic, Eanach Mheáin, i gConamara, an Domhnach 14 Meán Fómhair seo caite. D'éist an slua deas a bhí bailithe isteach le cuid de na hamhráin agus le togha na gceoltóirí a bhí ann chomh maith. Pictiúir: Mike Shaughnessy
Eagraíodh ócáidí Gaeilge go leor d'Oíche Chultúir. I nGaillimh tugadh léacht de chuid Fhéile na bhFlaitheartach in ómós do na scríbhneoirí as Árainn Liam agus Tomás. D'eagraigh ealaíontóirí Cúl an Tí seisiúin sceitseála don phobal in Amharclann Chois Fharraige. Bhí céilí ag an tSeanchéibh sa Spidéal, agus ar an Domhnach bhí ceolchoirm mhór An Garraí Glas sna Creagáin. Pictiúir: Seán Ó Mainnín
D'fhógair an tAire Forbartha Tuaithe agus Pobail agus Gaeltachta, Dara Calleary, infheistíocht €3.1 milliún do Lárionad na Gaeilge, Ollscoil Mhá Nuad don tréimhse 2025-28 ag ócáid in Óstán an Glenroyal, Maigh Nuad. Pictiúir: Seán Ó Mainnín
Bhí lá iontach ag muintir Chorca Dhuibhne i bPáirc Aibhistín de Staic i dTrá Lí Dé Domhnaigh nuair a fuair a bhfoireann caide an ceann is fearr ar an bhFosadh i gcluiche ceannais idirmheánach Chiarraí i bPáirc Aibhistín de Staic ar an Domhnach. Chloígh neart agus díocas fhir na Gaeltachta fir An Fhosaidh. Bhí Seán Ó Mainnín i láthair lena cheamara do Tuairisc
Cuireadh amach an cairpéad dearg do lucht an Spidéil nuair a seoladh Féile John Ford i Scoil Éinne, Dé hAoine. Bhí an Fhéile ag comóradh an mhórstiúrthóra i Hollywood agus a scannán clúiteach 'The Quiet Man'. Ba as ceantar an Spidéil a mhuintir, Pictiúir: Seán Ó Mainnín
Pléifear ag féile nua ar an Spidéal an cion a bhí ag an scannánóir clúiteach John Ford ar Chonamara, fód dúchais a thuismitheoirí, agus tabharfar chun cuimhne eachtraí spleodracha a shaoil
Bhi aoibhneas ar aghaidheanna na ndaltaí nua ag Scoil Mhic Dara, An Cheathrú Rua inniu agus iad ar a mbealach isteach go dtí an scoil den chéad uair. Pictiúir: Seán Ó Mainnín
Sásta agus sona go leor a bhí scoláirí Scoil Chuimsitheach Chiaráin na Ceathrún Rua nuair a fuair siad a gcéad amharc ar a gcuid torthaí Ardteiste. Pictiúir sa scoil ag Seán Ó Mainnín
