Reáchtáladh an pharáid ba mhó i nGaeltacht Conamara ar an gCeathrú Rua. Ba iad Donald Trump, cúrsaí ola, an fheamainn aa bhí ag dó na geirbe ag lucht na bhflótanna agus ba mhór an spórt iad don slua mór a bhí i láthair Pictiúir: Seán Ó Mainnín/Tuairisc
Bhí Halla Chraobh Inse Chóir de Chonradh na Gaeilge lán Déardaoin seo caite nuair a sheol an scríbhneoir Anna Heussaff na leabhair 'Cairdeas & Cogadh' le hÁine Ní Ghlinn agus 'Rúnaí an Aire' le Brian Ó Tiomáin. Bhain an slua agus na húdair an-sásamh as an bplé agus an comhrá faoi na saothair. Cló Iar-Chonnacht a d'fhoilsigh. Pictiúir le Seán Ó Mainnín
Bronnadh Sparánachtaí PJ Mhuiceanach 2025 ar iarscoláirí ó Scoil Chuimsitheach Chiaráin na Ceathrún Rua ag 'Oíche PJ' ansin le deireanas. Déantar an bronnadh i gcuimhne P.J. Mhuiceanach Mac Donnacha, iarscoláire de chuid na scoile, a bhásaigh go tragóideach. Tá na sparánachtaí urraithe ag Cairde PJ & Comhar Creidmheasa Cholmcille. Pictiúir le Seán Ó Mainnín
Bhí oíche mhór cheiliúrtha agus cuideachta ag muintir Ghaeltacht Chorca Dhuibhne nuair a bronnadh boinn chraobh na hÉireann ar a ngaiscígh caide in Óstán an Meadowlands i dTrá Lí ag an deireadh seachtaine. PIctiúir: Seán Ó Mainnín/Tuairisc
Insealbhaíodh Uachtarán an Oireachtais 2026, Áine Ní Ghlinn, le déanaí ag ócáid in Óstán an Hilton, Baile Átha Cliath. Bhí cairde, gaolta agus ealaíontóirí i láthair chun a gradam a cheiliúradh leis an bhfile, scríbhneoir agus ball d'Aosdána. Pictiúir: Seán Ó Mainnín
Bhí an focal scoir ag scoláirí fhoireann shinsir Ghaelcholáiste Luimnigh agus foireann shóisir Choláiste Chroí Mhuire, An Spidéal, Conamara nuair a bhuaigh siad Craobhchomórtas díospóireachta Uí Chadhain Gael Linn in Óstán an Athlone Springs le déanaí. Thug na moltóirí ardmholadh do na cainteoirí ar fad. Pictiúir: Seán Ó Mainnín
Sa cholún seo tá eolas faoi na hócáidí, na féilte, na leabhair, an ceol, na scannáin, na cláir agus na podchraoltaí ar fiú blaiseadh díobh
Beidh An Ghaeltacht agus an Daingean ag triall ar Pháirc an Chrócaigh do chluichí ceannais na hÉireann agus a mbabhtaí leathcheannais buaite acu i bPáirc Uí Chaoimh i gCorcaigh tráthnóna Dé Sathairn. Bhí Tuairisc Cois Laoi ar lá stairiúil caide do mhuintir Chorca Dhuibhne. Pictiúir: Seán Ó Mainnín/Tuairisc
Bhí áthas ar phobal Leitir Mealláin agus an tUachtarán ar cuairt chucu le déanaí, an chéad chuairt oifigiúil go Conamara ag Catherine Connolly. Ba léir go raibh an tUachtarán féin an-sásta a bheith i gceantar dúchais a muintire. Pictiúir: Seán Ó Mainnín
Bhí neart gáire in Acadamh na hOllscolaíochta Gaeilge ar an gCeathrú Rua agus scéalta faoin scríbhneoir ildánach géarchúiseach, Peadar Neilí, á n-inseacht agus sleachta a scríobh sé á léamh. Cló Iar-Chonnacht a d'fhoilsigh 'Castar Linn é. Scríbhinní Saoil'. Pictiúir: Seán Ó Mainnín
