Imreoirí an Spidéil agus Ghráinne Mhaoil ag teacht ar bhealaí cruthaitheacha chun a scileanna peile a léiriú
Sheol Cumann Pheil na mBan i nGaillimh feachtas ar líne an tseachtain seo caite agus iad ag iarraidh píosa spraoi a bheith ag foirne nach bhfuil in ann dul ag traenáil i láthair na huaire.
Mhol siad físeáin a chur le chéile ina mbeadh baill na bhfoirne ag léiriú a scileanna peile ach iad fós ag cloí leis an scoitheadh soisialta.
Bhí mná Naomh Anna, Leitir Móir ar cheann de na chéad fhoirne a chuir físeán le chéile agus iad ag ciceáil rollaí páipéar leithris ó dhuine go duine.
Tá dhá fhoireann eile i gConamara anois tar éis a bhfíseáin féin a fhoilsiú ar líne, An Spidéal agus Gráinne Mhaoil.
Beagnach 70 ceoltóir tagtha le chéile ar líne chun port a sheinm
Tá stop curtha ag an ngalar Covid-19 le grúpaí ceoil bailiú le chéile chun cleachtadh agus seinm le chéile ach d’éirigh le grúpa ceoltóirí in iarthuaisceart na Gaillimhe casadh le chéile ina ainneoin sin an tseachtain seo.
Bhain Craobh Dhúiche Sheoigheach de Chomhaltas Ceoltóirí Éireann úsáid as an aip ‘Zoom’ chun teacht le chéile agus an port ‘Lucy Farr’ a chasadh. Beagnach 70 ceoltóir, idir óg agus aosta, a ghlac páirt sa seisiún.
Scéal An Lae ó Futa Fata: Cáca don Rí
Pictiúir iontacha den mhórghealach agus an t-iománaí ar Chruachán Uíbh Fhailí
Tá na pictiúir a thóg an grianghrafadóir spóirt James Crombie á scaipeadh go tréan ar na meáin shóisialta.
Wow! ? Leithéid de phictiúir tógtha anocht sa Ghealach Lán ar Chruachán, Uíbh Fhailí. Deirtear liom, áfach, gurb iománaí as an Iarmhí atá ann ? @officialgaa
Pics le @INPHOjames & @hogg82 pic.twitter.com/2i8EmqI7B5
— Freda Nic Giolla Chatháin (@freda_hatton) April 7, 2020
Fág freagra ar 'AR SCÁTH A CHÉILE: Imreoirí an Spidéil agus Ghráinne Mhaoil ag teacht ar bhealaí cruthaitheacha chun a scileanna peile a léiriú'