Smacht glactha ag fórsaí scarúnaithe ar chuid mhór de chathair Lyman 

Dúirt Uachtarán na hÚcráine, Volodymyr Zelensky go bhféadfadh nach mbeadh duine ná deoraí fágtha in Donbas nuair a bheadh ionsaí na Rúise thart

Smacht glactha ag fórsaí scarúnaithe ar chuid mhór de chathair Lyman 

Tuairiscítear go bhfuil smacht glactha ag fórsaí scarúnaithe a bhfuil tacaíocht na Rúise acu ar chuid mhór de chathair Lyman i réigiún Donetsk.  

D’admhaigh gobharnóir réigiún Donetsk, Pavlo Kyrylenko, go raibh Lyman faoi smacht thrúpaí na Rúise “den chuid is mó”.  

Tá fórsaí na Rúise ar a míle dícheall ag iarraidh cathracha Severodonetsk agus Lysychansk a ghabháil.

Dúirt Uachtarán na hÚcráine, Volodymyr Zelensky go bhféadfadh nach mbeadh duine ná deoraí fágtha in Donbas nuair a bheadh ionsaí na Rúise thart. 

D’iarr Zelensky ar an iarthar éirí as an méiseáil leis an Rúis agus smachtbhannaí níos déine a chur ar an Rúis le tabhairt uirthi deireadh a chur leis an “cogadh gan chéill” seo. Dúirt sé go gcoinneodh a thír féin a neamhspleáchas ach gurb í an cheist cén praghas a bheadh le híoc aici féin agus ag an Rúis ar an neamhspleáchas sin. 

Fág freagra ar 'Smacht glactha ag fórsaí scarúnaithe ar chuid mhór de chathair Lyman '

  • Aodhán

    Go ndéana Dia trócaire uirthi