MIONLÉIRMHEAS: Is fiú tamall maith a chaitheamh ag breathnú ar íomhánna Koudelka

Éinne a chuireann spéis i gcúrsaí grianghrafadóireachta, beidh ainm Koudelka cloiste go minic aige, go háirithe i gcomhthéacs na Romach. Tríd is tríd, áfach, dá n-iarrfaí ar Éireannach leathdhosaen ealaíontóir a lua, chloisfeá van Gogh, b’fhéidir, nó

Jack B. Yeats, cuir i gcás. Is fíorannamh a luafadh éinne máistir grianghrafadóireachta. Mórealaíontóir ab ea Koudelka. B’fhiú a fháil amach

ina thaobh agus tamall maith a chaitheamh ag breathnú ar a chuid íomhánna suaithinseacha.

Ar sáraíodh riamh é?

Tá bialann i mBaile na Manach, Co. Átha Cliath, darb ainm Bresson. Ainmníodh i ndiaidh an ghrianghrafadóra é, Henri Cartier-Bresson (1908 -2004). Ar sáraíodh riamh é? Ní dóigh liom é. Bhí sé sásta go leor agallamh a dhéanamh i gcaitheamh a shaoil ach choinnigh sé cúpla rún dó féin. Nach ait an cor sa saol é: ba é an chéad ghrianghrafadóir a chuaigh go mór i bhfeidhm orm agus mé sna déaga luatha agus bhí sé i láthair (san India) nuair a cailleadh an gúrú is mó a bhfuil meas agam air, Sri Ramana Maharshi.

Mar chlabhsúr ar an mionléirmheas seo, samhlaím Victoria, an bhanríon gan trócaire, ag sochraid Gandhi:

Deilí, 1948
sochraid Gandhi
deora bréige á sileadh ag an mBanríon Victoria