Tháinig méadú ar líon na ngasúr ar tugadh ainm Gaeilge orthu sa tréimhse deich mbliana idir 2004 agus 2013, de réir eolais ón bPríomh-Oifig Staidrimh. Claraíodh 53, 926 gasúr sa bhliain 2004 agus tugadh ainm Gaeilge ar 9, 289 (17%) acu sin. Deich mbliana níos deireanaí tugadh ainm Gaeilge ar 29% de na 31,766 gasúr a cláraíodh.
Léiríonn an t-eolas na hathruithe atá tagtha ar choitiantacht na n-ainmneacha in imeacht na mblianta. Níor tháinig mórán athruithe ar na hainmneacha ag barr an liosta ach tháinig athrú suntasach ar líon na n-ainmneacha Gaeilge éagsúla a tugadh ar ghasúir.
Maidir le hainmneacha buachaillí, tháinig méadú ar líon na ngasúr ar tugadh Rian, Oscar agus Feidhlim orthu, mar shampla, agus i measc na gcailíní bhí ardú ar líon na ngasúr darb ainm Fiadh, Cadhla agus Neasa.
Thit líon na ngasúr ar tugadh cuid de na hainmneacha Gaeilge is coitianta orthu, ar nós Seán, Eoin agus Ciarán, Eimear, Órla agus Sinéad.
Rinne Tuairisc.ie anailís ar an liosta de os cionn 3,800 ainmneacha a tugadh don Irish Times an tseachtain seo caite agus feicfear thíos torthaí na hanailíse sin chomh fada is a bhaineann sé le hainmneacha Gaeilge. 334 ainm Gaeilge a bhí ar an liosta.
Níor cuireadh san áireamh leaganacha Gallda d’ainmneacha Gaelacha ar nós Renagh agus Rory ach tá leaganacha Gaelaithe d’ainmneacha Gallda le feiceáil ann ar nós Tomás agus Peadar.
Ní raibh sínte fada ar ainm ar bith ar an liosta a d’eisigh an Phríomh-Oifig Staidrimh agus mar sin glacadh leis gur ainmneacha Gaeilge a bhí i leithéidí Seán agus Cáit.
Ainm is coitianta i 2004:
| Ainm | Ainm | ||
| Seán | 928 | Aoife | 534 |
| Cian | 544 | Caoimhe | 357 |
| Eoin | 429 | Róisín | 236 |
| Oisín | 384 | Aisling | 217 |
| Liam | 310 | Áine | 190 |
| Ciarán | 252 | Caitlín | 189 |
| Cathal | 209 | Saoirse | 176 |
| Cillian | 176 | Eimear | 135 |
| Fionn | 172 | Sinéad | 127 |
| Brian | 165 | Órla | 116 |
Ainm is coitianta i 2013
| Ainm | Ainm | ||
| Seán | 609 | Aoife | 424 |
| Oisín | 392 | Caoimhe | 292 |
| Cian | 368 | Saoirse | 264 |
| Liam | 365 | Róisín | 178 |
| Cillian | 322 | Cara | 160 |
| Fionn | 304 | Aisling | 132 |
| Rian | 208 | Éabha | 130 |
| Eoin | 194 | Aoibhinn | 126 |
| Oscar | 184 | Áine | 116 |
| Tadhg | 116 | Sadhbh | 108 |
Ainm is mó méadú 2004 – 2013
| Ainm | Méadú | Ainm | Méadú |
| Lógán | 32% | Fiadh | 25% |
| Daithí | 6.6% | Cadhla | 4.25% |
| Nioclás | 5.3% | Saibh | 3.25% |
| Donncha | 3% | Fia | 2.8% |
| Caelan | 3% | Aoibhinn | 2.8% |
| Feidhlim | 3% | Siún | 2.6% |
| Donnacha | 2.6% | Caoilinn | 2.5% |
| Rian | 2.5% | Róise | 2.1% |
| Oscar | 2.4% | Neasa | 1.8% |
| Séimí | 2.3% | Aifric | 1.6% |
Ainm is mó laghdú 2004 – 2013
| Ainm | Laghdú | Ainm | Laghdú |
| Ciarán | 57% | Caitríona | 85% |
| Eoin | 54% | Dara | 66% |
| Fionnán | 53% | Máire | 66% |
| Brian | 50% | Bríd | 66% |
| Éamonn | 50% | Gráinne | 64% |
| Niall | 42% | Deirdre | 63% |
| Diarmuid | 41% | Sinéad | 62% |
| Ruaidhrí | 40% | Eimear | 62% |
| Seán | 34% | Aibhe | 57% |
| Colm | 32% | Órla | 55% |
Ainm is coitianta thar thréimhse 10 mbliana
| Ainm | Ainm | ||
| Seán | 8543 | Aoife | 4750 |
| Lógán | 4857 | Caoimhe | 3453 |
| Cian | 4773 | Saoirse | 2655 |
| Oisín | 4086 | Róisín | 2342 |
| Liam | 3749 | Aisling | 1880 |
| Eoin | 3160 | Áine | 1569 |
| Cillian | 3090 | Caitlín | 1392 |
| Fionn | 2401 | Cara | 1194 |
| Cathal | 2017 | Éabha | 1187 |
| Ciarán | 1863 | Eimear | 1098 |
Aonghus Ó hAlmhain (@aonghusoha)
“’ainmneacha Gallda le feiceáil ann ar nós Tomás agus Peadar.”?
Ainmneacha ón mBíobla iadsan, atá i ngach teanga Eorpach!
N’fheadar an Gallda an téarma cuí mar sin.
Seán Mag Leannáin
“Ní raibh sínte fada ar ainm ar bith ar an liosta a d’eisigh an Phríomh-Oifig Staidrimh” – faillí eile de chuid an Stáit. Dochreidte !
Léitheoir nach maith leis fílíocht leamh
Nach aisteach gurb iad na daoine le hainmneacha “Gaelacha” is lú a labhrann an teanga dúchais. Tá na Mary Joe Steves na Mickey Simons agus na paddy Joe Toms ag caint I nGaeilge chuile lá, ní hionann is na Sorrchas agus na Clíanas ar fud “deiscurt” BAC. Bíonn críocha na Dartaíse lán leo agus Ross O’Carrol san Irish Times ag cur le fios go bhfuil ainmneacha Gaelacha “de rigeur”
Dúirt Ó Cadhain gur fearr gan bacaint le hainmneacha Gaelacha mar comhartha go raibh daoine taobh le hathghabháil na Gaeilge.
Niamh
An darna ainm fireann is coitianta le 10 mbliana – Lógán ????? Níor chas mise le Lógán riamh i’m shaol! Cá bhfuil siad uilig?