DIALANN EURO 2016: Eagrán 1

Súil siar ar chuid de na scéalta is suimiúla ón bhFrainc le cúpla lá anuas

Scoilt idir na deartháireacha Xhaka

Granit Xhaka (ar chlé) agus Taulant Xhaka (ar dheis).
Granit Xhaka (ar chlé) agus Taulant Xhaka (ar dheis).

Deirtear go minic go mbíonn na himreoirí ar an bhfoireann náisiúnta chomh gar dá chéile agus a bheadh deartháireacha  ach beidh sé sin fíor ar aon nós i gcás seisear a bheidh páirteach sna cluichí sa bhFrainc. Le linn an deireadh seachtaine d’imir Vasili and Aleksei Berezutski don Rúis; bhí Jonny agus Corry Evans ina mbaill d’fhoireann Thuaisceart Éireann agus beidh an scéal céanna fíor i gcás na Beilge anocht agus Romelu agus Jordan Lukaku mar bhaill den scuad.

beirt deartháireacha eile ag an gcomórtas ach bhí orthu an ceangal clainne a chur ar leataobh ar feadh 90 nóiméad ar an Satharn mar gur ag imirt in aghaidh a chéile a bhí siad.

Rugadh Granit agus Taulant Xhaka i Basel na hEilvéise ach cé go n-imríonn Xhaka don tír inar rugadh é, rinne Taulant an cinneadh imirt don Albáin, tír a mhuintire. Thosaigh an bheirt an cluiche i nGrúpa A le linn an deireadh seachtaine ach ba é Granit amháin a bhí ag ceiliúradh ag an deireadh; bhí bua 1-0 faighte ag an Eilvéis.

Ceacht staire ag teastáil don FAI

Ina leabhrán ar líne ‘The Cool Kids Guide to Euro 2016’, déanann an FAI iarracht stair agus fíricí a thabhairt faoi na tíortha ar fad atá ag glacadh páirt in EURO 2016. Faraor, tá ceacht staire ag teastáil ón té a chuir an leabhrán le chéile; ní amháin go raibh botún ann ach bhain an botún sin le stair na tíre seo.   Scríobhadh “After years of civil war, Ireland became a republic in 1921. At this time, Britain negotiated with Ireland to keep the six counties in the north-east of Ireland”.  Dar ndóigh, ba é Cogadh na Saoirse a chríochnaigh i 1921 seachas an Cogadh Cathartha, agus níor fógraíodh an tír ina poblacht go dtí 1948. I mbliana, thar aon bhliain eile, cheapfá go mbeadh stair na hÉireann i gceart acu!  Is léir gur ndearna lucht an FAI suntas do na botúin tar éis do na meáin shóisialta aird a tharraingt orthu agus tá leasuithe déanta ar an sliocht ó shin.

An leagan atá ann anois
An leagan atá ann anois

 

Níl cuma ná caoi ar chúil báire EURO 2016

  gur scóráil Dmitri Payet ceann de na cúil is fearr a fheicfimid sa chomórtas seo i gcluiche na Fraince ar an Aoine, is beag a chuimhneoidh ar an gcéad chúl a scóráladh i gcluichí EURO 2016. Botún de chuid Ciprian Tatarusanu, cúl báire na Rómáine a thug an deis do Olivier Giroud an cúl a aimsiú agus ní seo an t-aon cheann atá feicthe againn a tharla de bharr botún a rinne cúl báire.  

Ar an Satharn, theip ar chúl báire na hAlbáine liathróid a ghlanadh amach óna chearnóg agus tugadh deis don Eilvéis an t-aon chúl sa chluiche sin a fháil. Fiú na cúil mhaithe atá feicthe againn, seachas ceann Payet, is cinnte go bhféadfadh na báireoirí uile iarracht níos fearr a bheith déanta acu. Rinne cúl báire na Slóvaice praiseach dá iarracht cic saor Gareth Bale a stopadh; bhí an balla cosanta curtha san áit mhícheart ag Igor Akinfeev na Rúise nuair a scóráil Sasana agus, fiú inné, is buille den chéad scoth a bhí i gcúl Luka Modric don Chróit ach fós chuaigh sé isteach faoi lámh chúl báire na Tuirce, Volkan Babacan. Ba dheas linn dá leanfaí leis na botúin sin i gcás na bhfoirne a bheidh in iomaíocht le hÉirinn ach thairis sin nár bhreá an rud é cúl a fheiceáil nach dtarraingeodh 10 nóiméad plé faoi laigí láidreachtaí an chúil báire.  

 

An Tvuít is fearr