Tá scéal phardún iarbháis Mhaolra Seoighe á scaipeadh ar fud na cruinne agus tuairiscí faoi phardún an Uachtaráin agus an clár Murdair Mhám Trasna foilsithe ag seirbhísí nuachta ar fud an domhain.
I measc na dteangacha inar foilsíodh scéalta faoi chás an tSeoighigh agus dúnmharuithe Mhám Trasna tá an Rúisis, an Indinéisis agus an t-iliomad teangacha Eorpacha.
Bhí go leor faoin bpardún iarbháis a tugadh do Mhaolra Seoighe Dé Céadaoin ar na meáin chraolta chomh maith, agus bhí, mar shampla agallamh faoin scéal ag ceann de mhórchláracha raidió an BBC, BBC World, le Seán Ó Cuirreáin, údar an leabhair Éagóir, ar a bhfuil an scannán faisnéise Murdair Mhám Trasna bunaithe.
Tuigtear chomh maith go bhfuil sé i gceist ag an New York Times gné-alt nuachta faoin gcás a fhoilsiú sna laethanta amach romhainn.
Shínigh Uachtarán na hÉireann, Micheál D Ó hUigínn barántas Dé Céadaoin chun pardún a thabhairt do Mhaolra Seoighe ar crochadh san éagóir as dúnmharuithe Mhám Trasna i 1882.
Sorcha B
Seo chugaibh an t-alt san New York Times, 6 Aibreán:
”Hanged after a trial he couldn’t understand, and pardoned 136 years later”
https://nyti.ms/2GHGpD2