Nach gránna é? Ní fiú tuthóg ‘jennet’ thú…

‘Ní fiú tufóg jennet thú,’ a dúirt fear as Conamara le fear eile nach raibh aon mheas aige air. B’fhéidir gur cheap sé go raibh sé chomh dalba le múille (miúil), chomh cantalach le mála easóg, chomh místuama le muc ar leac oighir. Is cinnte nach raibh meas madra aige air. Níorbh fhiú leis an ngadhar féin tafann a ligean air, b’fhacthas dó. Shíl sé nárbh fhiú smugairle tobac é . Ní thabharfadh sé smugairle cuaiche ar a chomhrá. Meas óinmhide a bhí aige air. ‘Shoraí ort, a shneácháin,’ a dúirt sé leis agus é ag imeacht uaidh.