Beidh ar Johnny Sexton ceacht Breatnaise eile a dhéanamh tar éis dó a fháil amach nach ann don téarma is fearr riamh leis in aon teanga.
Agus é faoi agallamh ag an gcraoltóir Breatnaise S4C maidir le tús an PRO 14, cuireadh ceist ar Sexton an raibh aon chur amach aige ar an mBreatnais. Dúirt Sexton go n-úsáideann a bhean, Laura, an focal ‘cwtch’ nuair is barróg nó póg a bhíonn i gceist aici.
Chuaigh Sexton amú áfach nuair a luaigh sé gurb é ‘popty ping’ an téarma is ansa leis in aon teanga. Cheap fear Laighean gurb é sin a thugtar sa Bhreatnais ar oigheann micreathonnach ach bhí ar an té a bhí ag cur agallaimh ar Sexton a insint dó nach amhlaidh an cás.
Ba léir go raibh díomá ar Sexton a fháil amach nach ann le fírinne don ‘popty ping’ mar is cinnte nach bhfuil ‘meicrodon’, an t-aistriúchán ceart ar oigheann micreathonnach, chomh binn céanna.
‘Popty’ a thugtar ar oigheann sa Bhreatnais agus cé go bhfuil cáil bainte amach ag ‘popty ping’ mar théarma aisteach Breatnaise, ní ann dó dáiríre.
Ar a laghad tá ag éirí níos fearr le Sexton ó thaobh na Gaeilge agus cúpla focal á rá aige féin agus ag Bernard Jackman, Michael Bradley agus Justin Tipuric mar chuid d’fhógraí TG4 don séasúr nua rugbaí.
Blaiseadh beag ó seoladh @PRO14Official inniu.
Bí linn do Rugby Beo ar @TG4TV….Tá siad ag teacht!@MRSC16 @OLSCRugby @ConnachtClan @UlsterRSC @the2ndRow @threeredkings @HarpinOnRugby @EmeraldRugby pic.twitter.com/qrk4wp0BUU— Spórt TG4 (@SportTG4) August 21, 2018
samowensrugbyyes
sé