Maraíodh bean i gContae Phort Láirge ar maidin nuair a thit crann ar a carr le linn na stoirme Ophelia. Bhí an bhean, a bhí sna caogaidí, ag tiomáint gar don Eaglais in iarthar an chontae in éineacht le bean eile, atá sna seachtóidí, nuair a leag an ghaoth an crann.
Gortaíodh an bhean eile agus aistríodh go hOspidéal Réigiúnach Phort Láirge í, áit a bhfuil cóir leighis á cur uirthi faoi láthair.
Tá iarrtha ag an nGarda Síochána ar an bpobal fanacht istigh agus gan taisteal mura mbíonn géarghá leis an turas. Tuairiscítear go bhfuil an aimsir in iarthar Phort Láirge agus i gcathair Phort Láirge go dona agus go bhfuil go leor crainnte á leagan.
Idir an dá linn, tugadh léargas dramatúil ar a fhíocmhaire is atá an stoirm in eachtra i gCorcaigh nuair a séideadh an díon de spórtlann Phobalscoil Dhúglaise.
There goes the roof of Douglas Community School #ophelia via @breffnih pic.twitter.com/aVwBLc1GTC
— Nadine O’Regan (@NadineORegan) 16 Deireadh Fómhair 2017
Tuairiscítear go bhfuil 230,000 teach agus gnólacht gan chumhacht tráthnóna agus go mbeidh a bhformhór gan aon chumhacht thar oíche. Tá rabhadh tugtha ag an BSL gan dul i ngiorracht crainnte atá leagtha ar fhaitíos go mbeadh sreanga beo leictreachais timpeall orthu.
DO NOT APPROACH If you come across fallen trees there may be fallen wires that could be live & dangerous. STAY CLEAR phone 1850 372 999. pic.twitter.com/SyXx8Uyy4H
— ESB Networks (@ESBNetworks) 16 Deireadh Fómhair 2017
Cailleach an Airgid
Beannacht lei mó léan tá 1987 arais arist chugainn agus an chontúirt ceanna dá thuar dhúinn?