‘Aithne a chur ar dhaoine nua iontacha a chuir ag smaoineamh mé’ – Siún Ní Dhuinn 

1. Cén chuimhne is mó atá agat ar 2019? Na craoltaí ‘Beo ar Éigean’ a rinne muid ag féilte ceoil, aithne a chur ar dhaoine nua iontacha a chuir ag smaoineamh mé.

2. Céard é an scéal is mó a chuir áthas ort in 2019? Ní scéal, ach scéal duine, an t-amhránaí Lizzo. Bean láidir atá ag tabhairt misnigh do mhná eile.

3. Céard é an scéal is mó a chuir brón ort in 2019?

Bhí go leor acu ann, scéal na dteifeach sa leoraí i Sasana a thagann chun cuimhne; daoine soineanta a bhí ag lorg saol níos fearr, bhrisfeadh sé do chroí.

4. Céard é an rud is mó a d’fhoghlaim tú ó thús deireadh na bliana 2019? Athraíonn rudaí agus is gá féachaint ar an athrú mar chlaochlú, trí shúile dearfacha.

5. Ar éirigh leat cloí le haon rún a bhí agat ag tús na bliana 2019? Seachnaím na rúin sin go hiondúil ach braithim go bhfuilim ag críochnú na bliana le ciall cheannaithe…ach gan an iomarca céille!