Tá aip nua seolta chun Gaeilgeoirí a chur chun cainte lena chéile.
Seoladh GaelGoer i mBaile Átha Cliath inniu agus deir lucht a déanta gur cuireadh tús leis an taighde don aip dhá bhliain ó shin.
Agus í i mbun taighde faoi úsáid na Gaeilge, fuair Noreen Breen, duine de bhunaitheoirí GaelGoer, amach gur labhair nach mór ceathrar Gaeilge gach lá le hoibrithe siopa a raibh suaitheantas ‘Labhair Gaeilge liom’ á chaitheamh acu.
Leanadh leis an taighde agus faoin am go raibh sé críochnaithe ní raibh aon amhras ar Noreen Breen ach go mbeadh an-éileamh ar aip a chuirfeadh cainteoirí Gaeilge in aithne dá chéile agus a thabharfadh deis dóibh an teanga a labhairt.
DataDyne, comhlacht comhairleoireachta teicneolaíochta, a rinne an aip a bhfuil trí mhórghné uirthi.
An chéad ghné den aip ná ‘Lámh Suas’ a thugann le fios duit go bhfuil úsáideoir eile sa chóngar ar féidir teagmháil a dhéanamh leis trí chóras teachtaireachta na haipe.
Tugann ‘Anseo’ le fios duit má tá oibrí i láthair i siopa nó ionad gnó eile atá sásta Gaeilge a labhairt le custaiméirí.
Bíonn eolas ar fáil ar ‘Imeachtaí’ faoi ócáidí teanga.
Baineann Gaelgoer úsáid as teicneolaíocht an gheofhálaithe nó geo-fencing agus is féidir í a úsáid in Éirinn agus thar lear.
Is féidir an chéad leagan den aip a íoslódáil anois agus táthar ag iarraidh ar oibrithe atá sásta Gaeilge a labhairt le custaiméirí clárú le ‘Anseo’. Is féidir le daoine a íoslódálann an aip ócáidí Gaeilge a chlárú ar ‘Imeachtaí’.
Dúirt Noreen Breen, duine de bhunaitheoirí GaelGoer gur baineadh siar aisti nuair a chruthaigh a cuid taighde go raibh deiseanna go leor Gaeilge a labhairt á gcailliúint gach lá aici mar nach raibh bealach ann le haithne a chur ar Ghaeilgeoirí eile.
“Tá muid ar bís le fáilte a chur roimh mhórphobal labhartha na Gaeilge chuig an ardán seo,” a deir sí.
Dúirt Luke Middleton ó DataDyne, a chruthaigh GaelGoer, go gcabhródh na aip nua leis féin agus le foghlaimeoirí eile. “Tá mé ag iarraidh cur le mo chumas as Gaeilge trí gach uile dheis a thapú lena labhairt,” arsa Luke Middleton.
Brendan Keane
D’fhéadfadh réabhlóid a bheith ann maidir le úsáid na Gaeilge i gciorcail cainte ar-líne má curtha chun chinn i measc tuilleadh daoine, go háirithe le cainteoirí dúchasacha. D’fhéadfadh an aip seo cabhrú le daoine a tionól sa domhan fíorúil agus go pearsanta agus déanfadh araon ar siúil in aisce ar fáil.
robert campbell
Tá mé ag foghlaim agus ba mhaith liom bualadh le daoine eile ar an idirlín.
galt
ní fhaca mé an t-aip fós ar Googleplay an AppleStore. Tá súil agam go mbeidh sé ar fáil go luath.
Fionnuala
A chairde
An raibh sibh in ann an Aip a íoslódáil ar Google play? Ní raibh mise in ann é a aimsiú.
grma
Fionnuala
Brian Ó Deasúnaigh
Ba mhaith liom bualadh le daoine i mo cheantar ar mhaithe le mo chuid ghaoluinne a fheabhsú agus cur chun cinn na teangan .
Máire Ní Ghabháin
Ní fheicim an aip sa Play Store go fóill.
Shane
Smaoineamh maith – ach cá bhfuil sé?
Simon
Bhí mé i dteagmháil le duine ó fhoireann Gaelgoer. Dúradh liom go bhfuil moill ar an aip, ach go mbeidh sí ar fáil i gceann cúpla lá.
Aodán Mac Séafraidh
Cha dtig liom theacht air, níl sé le feiceáil ar Google Play