Tá cúrsa nua céime sa Ghaeilge agus i gcultúr traidisiúnta na hÉireann á fhorbairt ag Ollscoil Chathair Bhaile Átha Cliath i láthair na huaire a mbeidh fáil air saor in aisce ar líne ar fud an domhain.
Is Cúrsa Oscailte Ollmhór Ar Líne, nó Mooc (Massive Open Online Course), a bheidh i gceist leis an gcúrsa nua, atá ag fáil tacaíochta ó Roinn na Gaeltachta, agus táthar ag súil go mbeidh sé ar fáil “go luath” in 2018. Céim ab initio a bheidh sa chúrsa nua, rud a chiallaíonn nach gá aon staidéar a bheith déanta ag duine ar an nGaeilge chun tabhairt faoi.
Tá cúrsaí Mooc go mór i mbéal an phobail acadúil le tamall agus tuairimí éagsúla ag lucht léinn faoin gcur chuige nua seo i gcúrsaí oideachais. Tá cúrsaí Mooc curtha ar fáil cheana féin ag ollscoileanna ar fud an domhain.
D’fhéadfadh os cionn 100,000 mac léinn a bheith i mbun cúrsa Mooc agus d’fhéadfadh na mic léinn sin a bheith áit ar bith ar domhan ach ceangal idirlín a bheith acu ionas go mbeidh siad in ann breathnú ar fhíseán ar-líne de léacht ollscoile. Tugtar cúrsaí “ollmhóra” ar na cúrsaí toisc nach bhfuil aon teorainn leis an líon mac léinn is féidir a chlárú leo. Chláraigh 150,000 mac léinn ar líne le cúrsa sa leictreonaic a chuir MIT ar fáil i Stáit Aontaithe Mheiriceá.
Bíonn cúrsaí Mooc ar fáil saor in aisce, an buntáiste is mó a luaitear leo. I measc na mbuntáistí eile a luaitear leis na cúrsaí MOOC tá líon na ndaoine ar féidir a chlárú leo agus an tslí a dtarraingíonn siad mic léinn ar fud an domhain le chéile.
Ach táthar ann freisin atá go mór in amhras faoi chúrsaí Mooc. Deirtear go mbíonn sé an-deacair plé agus díospóireacht cheart a chur ar bun má bhíonn 150,000 duine ag glacadh páirt sna cúrsaí ar líne, agus nach bhfuil aon chomparáid idir fóraim agus seomraí cainte agus an seomra ranga.
Léiríodh i dtuarascáil a rinneadh faoi chúrsaí Mooc nach gcríochnaíonn 90% de mhic léinn Mooc a gcúrsaí.
Tá deacrachtaí ann freisin a bhaineann le maoin intleachtúil agus le cúrsaí airgeadais, go háirithe nuair a bhogann léachtóir ó institiúid oideachais amháin go hinstitiúid oideachais eile.
Tá imní ann freisin faoin tionchar a bheidh ag na cúrsaí Mooc ar an saol acadúil trí chéile. Maítear dá mhéid cúrsaí Mooc a thosófar gur lú na léachtóirí agus na hollúna a bheidh ag teastáil agus gurb é an toradh a bheidh air sin faoi dheireadh ná díothú an oideachais féin.
MaryMargaret ui Ghionnàin
Bheadh an spèis agamsa anseo
Helena Carey
Bheadh suim mhór agam
Liz Morris
Agus agamsa
Peadar S
Mise chomh maith! :)
Séamus Mac Chonfhormaoile
Seo dea-scéal ar fad agus más maith is mithid. Suim mhór agamsa.
Pádraigín ní Mhaonaigh
Iontach ar fad –
Padraig O hAinle
Bheadh suim mor agam
Aj o maille
Ta suim agam sa cùrsa Seo.
noelle buckley
Go h-iontach! Mise freisin ☘️♥️??
Aindí Mac An Táilliúra
Ba bhreá liom a seo a dhéanamh!
Rebecca nugent
At fheabhas!
Ciara
Bheadh suim mhór again freisin
Art
Dea-scéal agus brostaigh ort Fhoireann Ollscoil Mhá Nuad a bhí ina gceannródaí sa áit seo le blianta anuas. Ba mhaith liom leachtaí cur le TEG agus ViFAX le feiscint ar líne go luath.
Amanda Stiobhaird- Mac Giolla Eáin
Thar Cionn
Geróid Mac Giolla Fháoláin
Ar fheabhas
Brian Anthony Farrelly
Tá suim agam sa chursa seo. An bhfuil eolas breise le fáil?
P. O laimhin
Síomha agam Ann cinnte
J. Delaney
Cé go ndearna mé céim sa Ghaeilge cheana féin, bheadh suim agam ann: b’fhéidir go mbeidís ag clúdach leabhair eile sa chúrsaí agus is féidir liom ceapadh faoi 2-3 de mo chairde a mbeadh suim acu ann gan amhras. Smaoineamh iontach amach is amach é agus tá súil agam go mbeidh gach cúrsa mar seo lá éigin.
Soracha Nic Pháidín
Mise freisin. Beidh an suim agamsa an chúrsa seo a dhéanamh
Séamus Mac ConMara
Bhéad suim agam ann.
Bríd Ni Ghachàin
Ba mhaith liom a seo a dhéanamh!
Áine Nic Oireachtaí
Bhéad suim agam ann
Roibeárd
An suim agamsa chomh maith
Zabourou Dembélé
Je suis intéressé