FÍSEÁN: Stephen Fry fillte ar an nGaeilge chun tacú le lucht ‘TÁ’ sa reifreann pósta

‘Tabhair seans dóibh pósadh agus an grá atá eatarthu a cheiliúradh’, a deir Fry, ar fhíseán nua

stephen fry ros na run
Ag canbhasáil? Stephen Fry ar sheit Ros na Rún ar an Spideál i gConamara.

Tá an t-aisteoir aitheanta Stephen Fry tar éis dul i muinín an chúpla focal Gaeilge a d’fhoghlaim sé i Ros na Rún chun a thacaíocht a chur in iúl don leasú ar an mBunreacht a bhaineann leis an bpósadh.

Tá Fry le feiscint ag Gaeilgeoireacht ar fhíseán nua-  Stand ups for Yes (with Stephen Fry ag caint as Gaeilge) – atá foilsithe ag lucht grinn ar YouTube mar thacaíocht leis an taobh ‘TÁ’ den reifreann.

Bhí Fry i mbéal an phobail sa tír seo roinnt blianta ó shin nuair a dhein sé caimeo mar fhoghlaimeoir Gaeilge ar an sobalchlár Ros na Rún ar TG4. Tagraíonn sé don ról sin sa dráma Gaeltachta sa bhfíseán nua a crochadh ar YouTube inniu.

Deir Fry sa bhfíseán:

“Ba bhreá liom go mbeadh an sonas céanna ag Éireannaigh, cosúil liomsa. Tabhair seans dóibh pósadh agus an grá atá eatarthu a cheiliúradh.

“Now, my Gaelic may rather have fallen into desuetude since I did Ros na Rún, but I mean in the kindest way possible to try and connect with you all because so may of us in Britain are thinking of you and this referendum that’s coming. It’s a chance for Ireland to make an extraordinary proud noise in the world.”

Léigh tuilleadh sa rannóg seo ''

Fág freagra ar 'FÍSEÁN: Stephen Fry fillte ar an nGaeilge chun tacú le lucht ‘TÁ’ sa reifreann pósta'

  • Fearn

    Níor chaill an Fryach riamh é. Abair béarla! Desuetude? Má tá a chuid Gaeilge ar chúl éaga, ní hamhlaidh dó féin, bail ó Dhai air.

    Anois, ós eol dúinn go bhfuil an salacharaíl chéanna Ghaeilge ag Bainríon Shasana agus atá aigesan, an mbeidh sí ag bolscireacht ar son lucht NÍL?

  • Tuigim

    Maith thú, Stephen.
    Maith sibh uilig a thugann tacaíocht do chearta daonna in aon áit, aon uair.
    Iontach go bhfuil seans againn cearta a bheith againn faoi dheireadh.
    Ag fanacht rófhada.
    Tá gá le grá.
    Déan an rud ceart, a dhaoine uaisle.
    Roghnaigh grá in áit fuath agus gráin.
    Cearta uainn go léir ♥

I mBéal an Phobail