Ollphuball scuabtha leis ag an ngaoth i nGleann Cholm Cille

Scriosadh sa doineann inné an t-ollphuball a cuireadh in airde i nGleann Cholm Cille don seó talmhaíochta a bhí ar siúl sa cheantar sin.

D’fhuadaigh an ghaoth láidir leis an t-ollphuball agus caiteadh in airde é ar dhíon chlubtheach CLG Naomh Columba a ndearnadh dochar dó.

Bhí an seó talamhaíochta, a mhair trí lá, ar tí críochnú nuair a tharla an eachtra agus ní raibh aon duine istigh san ollphuball ag an am. D’fhág fear amháin an t-ollphuball bomaite sular scubadh san aer é.

Ba é an comórtas madraí caorach a bhí ar siúl tráthnóna inné mar chlabhsúr ar an seó agus mar sin bhí daoine amuigh faoin spéir i bpáirc atá buailte le páirc imeartha Naomh Columba.

Bhí foireann peile ag traenáil ar an bpáirc imeartha féin ag an am agus b’éigean dóibh a gcuid éadaí a fháil ón clubtheach go gasta. Nuair a chonaic daoine an t-ollphobal á ardú ritheadar sall chun rudaí a bhí caite timpeall a bhailiú, ach b’éigean dóibh an suíomh a fhágáil cúpla uair toisc an ghaoth a bheith chomh láidir sin.

Rinneadh damáiste do chúpla carr agus bus a bhí parcáilte taobh amuigh den chlubtheach.

Níor gortaíodh duine ar bith.

Tháinig an bhriogáid dóiteán ar an láthair sara fada agus chuir siad tródam ar an suíomh.