Fear píopa mé a déarfadh duine a mbeadh dúil aige i ngal tobac as an bpíopa seachas toitín a chaitheamh.
Ba mhór i gceist an píopa cailce fado. Bhíodh an píopa adhmaid ann freisin agus an píopa giolcaí.
Céard faoin bpíopa Lochlannach? Píopa na siógaí ainm eile air.
Píopa a bhí ann a raibh ceann an-bheag le smig air agus cos chaol. Deirtí gurbh iad na Lochlannaigh nó na siógaí a d’fhág ina ndiaidh iad.
Choinnigh siad tine ar a phíopa aige – chuir siad trína chéile é.
‘Ag ól an chupáin is ag deargadh an phíopa,
Is ag siúl na drúchta i gcoim na hoíche.’
Sin é a bhíodh Donncha Bán a dhéanamh, an fear a crochadh.
Fág freagra ar 'NACH DEAS É? Choinnigh siad tine ar a phíopa aige…'