Tá na sonraí maidir leis na cluichí sna chéad bhabhtaí eile i gcraobh peile na hÉireann fógartha.
Ní chraolfar beo an cluiche idir Corcaigh agus Dún na nGall ná an cluiche idir Ciarraí agus Cill Dara sa dara babhta de Chraobh Peile na hÉireann.
I mbabhta 2A, i bPáirc Mac Cumhaill, Dé Sathairn an 13 Meitheamh, a thabharfaidh Dún na nGall agus Corcaigh aghaidh ar a chéile.
Ag baile i Staid an Phiarsaigh i mBóthar na Trá Dé Domhnaigh an 14 Meitheamh a imreoidh an Ghaillimh in aghaidh churaidh Chúige Laighean, an Iarmhí.
I mBabhta 2A atá Maigh Eo chomh maith i ndiaidh dóibh an ceann is fearr a fháil ar Mhuineachán an tseachtain seo caite. Cluiche crua eile atá rompu agus iad ag triall ar Pháirc Uí Éilí chun aghaidh a thabhairt ar Thír Eoghain Dé Domhnaigh an 14 Meitheamh.
Cath na gcomharsan a bheidh sa chluiche eile i mBabhta 2A an lá céanna agus Contae Lú in aghaidh Ard Mhacha. Tugadh cluiche baile d’fhoireann Lú in aghaidh Ard Mhacha ach toisc go bhfuil obair thógála fós ar siúl ar a staid nua féin, imreofar an cluiche sin ar pháirc neodrach.
I mbabhta 2B, beidh ar Chiarraí an ceann is fearr a fháil ar Chill Dara sa Droichead Nua, Dé Sathairn an 13 Meitheamh más le foireann Jack O’Connor fanacht sa chraobh. Is é an dála céanna é ag contae na Mí agus iad as baile i nDoire níos déanaí an tráthnóna céanna ag a 7.00pm.
Babhta 2A
Dún na nGall v Corcaigh Babhta 2B
Muineachán v Ros Comáin Cill Dara v Ciarraí Doire v an Mhí
Páirc Mac Cumhaill, 3pm
Páirc Naomh Tiarnach, 4:30pm, GAA+
Páirc Naomh Conlaith, 5:30pm
Páirc na gCeilteach, 7pm, GAA+
Babhta 2B
Lú v Ard Mhacha An Ghaillimh v an Iarmhí Tír Eoghain v Maigh Eo Babhta 2B
An Cabhán v Áth Cliath
Páirc Grattan, Inis Caoin, 1pm, RTÉ
Staid an Phiarsaigh, 2pm, GAA+
Páirc Uí Éilí, 3:30pm, RTÉ
Páirc Bhreifne Kingspan, 2pm
Rachaidh na ceithre chontae a bhuafaidh cluichí bhabhta 2A díreach ar aghaidh go dtí babhtaí ceathrú ceannais na hÉireann.
Imreoidh na foirne a chaillfidh babhta 2A in aghaidh bhuaiteoirí 2B d’áit sna babhtaí ceathrú ceannais.
Beidh a rás rite ag na ceithre fhoireann a chaillfidh i mbabhta 2B.
Imreofar na cluichí ar fad i mbabhtaí 2A agus 2B deireadh seachtaine an 13-14 Meitheamh.
Beidh trí cinn de na cluichí le feiceáil beo ar GAA+: Muineachán v Ros Comáin (4:30pm) agus Doire v An Mhí (7pm) i mBabhta 2B ar an 13 Meitheamh, agus Gaillimh v An Iarmhí (2pm) i mBabhta 2A ar an 14 Meitheamh.
Fág freagra ar 'Na sonraí teilifíse is eile fógartha do chluichí chraobh peile na hÉireann'