Liosta ar fáil de na cláir is mó lucht féachana ar TG4 agus an spórt is ceol tíre chun cinn

Léiríonn figiúirí nua gur dhá sheánra ar leith is mó a mheallann lucht féachana chuig TG4

Liosta ar fáil de na cláir is mó lucht féachana ar TG4 agus an spórt is ceol tíre chun cinn

Cláir spóirt agus cláir cheol tíre a bhí i 29 clár den 30 clár is mó lucht féachana a craoladh ar TG4 in 2019.

Bhain TG4 an séú háit amach ar liosta na gcainéal is mó ar fhéach daoine orthu den chéad uair anuraidh agus léiríonn figiúirí nua gur dhá sheánra ar leith is mó a mheallann lucht féachana.

Ba é eagrán de Nuacht TG4 an t-aon chlár Gaeilge, nár chlár spóirt nó ceol tíre é, a bhain áit amach i measc na 30 clár is mó lucht féachana ag an stáisiún in 2019.

75,000 duine ar an meán a d’fhéach ar Nuacht TG4 ar an 27 Eanáir anuraidh. Dúirt urlabhraí de chuid TG4 gur eisceacht a bhí ansin agus go raibh lucht féachana níos mó ná mar a bhíonn de ghnáth ag an gclár nuachta toisc cluiche mór peile idir Baile Átha Cliath agus Muineacháin a bheith á chraoladh díreach roimhe.

Na cláir is mó lucht féachana

Ord Clár Dáta Am Meán (000) Ard (000) Aimsiú (000) Sciar   (%)
1 GAA Beo – Sraith Peile Allianz – CC Roinn 1 – Maigh Eo v Ciarraí 31-03 15:45 – 17:55 265 396 539 30.4
2 Peil na mBan Beo – CC Sinsir na hÉireann TG4 – Áth Cliath v Gaillimh 15-09 15:30 – 17:45 253 358 558 29.8
3 GAA Beo – CLC Iomána Allianz Roinn 1 – Port Láirge v Gaillimh 24-03 15:17 – 17:14 210 287 435 25.4
4 GAA Beo – Sraith Iomána Allianz – CC Roinn 1 – Luimneach v Port Láirge 31-03 13:33 – 15:40 172 240 375 26.7
5 GAA Beo – CC Peile na hÉireann AIB – Cora Finne v Na Crócaigh 17-03 15:35 – 17:34 168 219 387 19.4
6 GAA Beo – Sraith Peile Allianz – Ros Comáin v Áth Cliath 03-03 13:30 – 15:59 162 257 432 20.8
7 GAA Beo – CC Peile Mionúir na hÉireann – Gaillimh v Corcaigh 01-09 12:30 – 15:09 160 282 455 22.8
8 GAA Beo – Sraith Peile Allianz – Ciarraí v Muineachán 03-03 16:04 – 17:32 151 169 347 15.0
9 GAA Beo – Sraith Iomána Allianz – Loch Garman v Tiobraid Árann 17-02 15:49 – 17:17 150 172 284 18.4
10 GAA Beo – Sraith Iomána Allianz – Loch Garman v Luimneach 27-01 15:46 – 17:15 147 166 322 17.3
11 GAA Beo – CC Iomána na hÉireann AIB – Naomh Tomás v Baile Héil 17-03 13:28 – 15:30 144 213 341 19.1
12 GAA Beo – Sraith Peile Allianz – Muineachán v Áth Cliath 27-01 13:33 – 15:41 142 236 350 22.3
13 GAA Beo – Sraith Peile Allianz – CC Roinn 2 – Dún na nGall v An Mhí 30-03 16:45 – 18:42 142 187 307 16.9
14 GAA Beo – CLC Peile na hÉireann AIB – Na Crócaigh v Naomh Columba 16-02 15:04 – 16:55 141 198 311 19.4
15 GAA Beo – Sraith Iomána Allianz- Cill Chainnigh v Luimneach 17-02 13:30 – 15:44 138 210 335 20.1
16 GAA Beo – Sraith Peile Allianz – Tír Eoghain v Maigh Eo 03-02 15:44 – 17:07 135 152 283 14.8
17 GAA Beo – CLC Iomána Allianz Roinn 1 – Áth Cliath v Luimneach 24-03 13:00 – 15:12 133 231 367 22.2
18 Peil na mBan Beo – Craobh TG4 – CLC Sinsear 2 – Áth Cliath v Corcaigh 25-08 15:36 – 17:23 128 160 236 19.4
19 Rugbaí Beo – Guinness PRO14 – Connachta v Mumha 05-01 19:10 – 21:49 125 186 408 9.1
20 GAA Beo – Sraith Peile Allianz – Tír Eoghain v Gaillimh 24-03 17:18 – 18:49 122 173 282 11.8

Léirigh eolas a fuair Tuairisc.ie cheana gur thart ar idir 6,000 agus 10,000 duine a fhéachann ar Nuacht TG4 ar an meán de ghnáth.

Ba é cluiche ceannais na sraithe peile Allianz idir Ciarraí agus Maigh Eo i mí an Mhárta an clár is mó a thuill lucht féachana do TG4 in 2019 agus d’fhéach 265,000 ar an meán ar an gcraoladh beo sin as Páirc an Chrócaigh. Cluiche ceannais Pheil na mBan idir Áth Cliath agus an Ghaillimh a bhí sa dara háit agus 253,000 a d’fhéach ar sin. Cluichí peile nó iománaíochta a bhí i ngach ceann eile den 20 clár is mó lucht féachana in 2019 seachas ceann amháin, cluiche rugbaí Pro 14 idir Cúige Mumhan agus Cúige Laighean i mí Eanáir.

Ceithre chlár Gaeilge nár chláir spóirt nó ceol tíre iad, a thuill lucht féachana níos mó ná 60,000 duine ar an meán, Finné – Paddy Merrigan, An Béal Bocht, Seán Keane ag Ceol agus Phil Coulter mo Shaol.

Cláir Cheoil Tíre

Ord Clár Clár Am Meán (000) Ard (000) Aimsiú (000) Sciar   (%)
1 Opry le Daniel – Margo 24-12 21:32 – 22:55 84 123 169 5.9
2 Glór Tíre – Michael English & John Molloy 29-01 21:32 – 22:28 77 106 183 5.7
3 Opry le Daniel Rogha 17-12 21:31 – 22:28 75 89 138 6.1
4 Glór Tíre – Ciarán Rosney & Ailish McBride 22-01 21:31 – 22:27 74 88 164 5.4
5 Opry an Iúir – Brendan Shine 14-05 21:33 – 22:38 74 90 195 6.5
6 Glór Tíre – Gerry Guthrie & Paul Leavy 05-02 21:32 – 22:28 72 94 152 5.6
7 Opry le Daniel – Ryans 17-09 21:32 – 22:29 71 93 176 6.2
8 Glór Tíre – Babhta Cáilithe 1 05-03 21:30 – 22:29 70 105 183 5.0
9 Glór Tíre – Babhta Cáilithe 2 12-03 21:30 – 22:26 67 97 176 4.9
10 Opry le Daniel – Ceol Jim Reeves 08-10 21:32 – 22:28 66 82 129 6.0
11 Glór Tíre – Mike Denver & Noreen Rabbette 12-02 21:30 – 22:27 66 94 162 4.6
12 Glór Tíre – Réamhra 08-01 21:32 – 22:27 65 86 159 5.3
13 Opry Dhoire – Ceol Larry Cunningham 16-07 21:33 – 22:37 65 86 143 5.8
14 Opry Dhoire – Stars 20-08 21:31 – 22:35 62 97 157 5.6
15 Opry an Iúir – Charlie Landsborough 23-04 21:31 – 22:37 61 84 172 5.1
16 Glór Tíre – Recap 26-02 21:32 – 22:27 61 86 159 4.8
17 Opry an Iúir – Johnny Brady 16-04 21:33 – 22:38 61 76 161 4.7
18 Opry an Iúir – Dominic Kirwan 30-04 21:32 – 22:38 61 82 165 5.1
19 Glór Tíre – Babhta Ceannais 26-03 21:31 – 22:27 60 81 129 4.3
20 Opry le Daniel – Nashville 12-11 21:33 – 22:29 60 76 155 4.8

Tá Hector Ó hEochagáin duine de réalta luatha TG4 fós ag cruthú go maith don stáisiún i gcónaí agus bhí meán-lucht féachana os cionn 50,000 ag cúig cinn d’eagráin na sraithe Hector USA – Ó Chósta go Cósta.

Ar na cláir Ghaeilge, nó cláir dhátheangacha, eile a thuill níos mó ná 50,000 duine ar an meán bhí Uchtú – Evanne Ní Chuilinn agus Ceol Chogadh na Saoirse.

Tháinig méadú 3% ar sciar TG4 den lucht féachana le linn na bliana 2019, rud a d’fhág go raibh sé ar an séú caineál is mó lucht féachana anuraidh.

Seo an chéad uair go raibh an stáisiún sa séú háit.

1.84% an meánsciar den lucht féachana a bhí ag an stáisiún in 2019.

Tabharfaidh na figiúirí nua seo dóchas do TG4 go bhfuil an taoide ag casadh maidir lena bhfigiúirí lucht féachana.

Cláir Gaeilge Eile

Ord Clár Clár Am Meán (000) Ard (000) Aimsiú (000) Sciar   (%)
1 Nuacht TG4 27-01 17:20 – 17:26 75 90 104 7.4
2 Finné – Paddy Merrigan 23-10 21:31 – 22:26 66 84 157 4.9
3 An Béal Bocht 31-03 18:00 – 18:36 64 125 137 6.5
4 Seán Keane ag Ceol 24-12 19:45 – 20:26 61 95 118 4.5
5 Phil Coulter – Mo Shaol 25-12 21:32 – 22:30 60 80 156 3.7
6 Irish Post Awards 2019 14-11 21:30 – 22:44 58 90 187 5.0
7 Fleadh TV 2019 16-08 20:30 – 23:27 58 95 277 5.7
8 Hector USA – Ó Chósta go Cósta 31-10 21:32 – 22:27 56 88 155 4.6
9 Uchtú – Evanne Ní Chuilinn 13-11 21:32 – 22:47 56 73 176 4.9
10 Underdogs 2019 15-09 17:50 – 18:46 54 119 194 5.6
11 Mary From Dungloe 2019 04-08 20:30 – 22:27 54 73 219 4.6
12 Hector USA – Ó Chósta go Cósta 07-11 21:31 – 22:26 54 80 182 4.4
13 Gradam Ceoil Braon Breise 20-01 21:34 – 22:29 54 66 112 4.1
14 Callas and Kennedy 30-05 22:02 – 23:41 53 69 184 5.6
15 Hector USA – Ó Chósta go Cósta 12-12 21:31 – 22:27 53 86 134 4.2
16 Hector USA – Ó Chósta go Cósta 05-12 21:31 – 22:26 52 75 121 3.8
17 Hector USA – Ó Chósta go Cósta 21-11 21:31 – 22:27 52 81 133 3.8
18 Nuacht TG4 30-03 18:47 – 18:57 51 64 75 5.3
19 Ceol Chogadh na Saoirse 24-11 21:32 – 22:28 51 62 129 3.4
20 Fleadh TV 2019 15-08 20:30 – 23:27 50 69 238 5.2

De réir straitéis cúig bliana TG4, táthar ag súil leis an taoide a chasadh maidir leis an titim ar lucht féachana an stáisiúin, ach an maoiniú céanna a bheith ar fáil dóibh is a bhí roimh an ngéarchéim eacnamaíochta.

De réir na cáipéise céanna is é “tráth na cinniúna’ é do TG4.

3.2% an meánsciar náisiúnta den lucht féachana a bhí ag TG4 in 2005, an bhliain is mó a raibh lucht féachana aige.

De réir na straitéise cúig bliana, is é 2.2% an meánsciar den lucht féachana náisiúnta an sprioc atá ag lucht TG4 do 2022 agus súil acu anois a n-áit mar an séú cainéal a choimeád.

Tá ráite cheana ag Ardstiúrthóir TG4 Alan Esslemont go bhfuil an baol ann go dtitfeadh TG4 isteach sa “digital jungle”, mar a thug sé ar na cainéil dhigiteacha ar fad a bhfuil sciar níos lú ná 1% den lucht féachana náisiúnta acu.

Níl sciar os cionn 1% den lucht féachana ach ag 10 gcainéal in Éirinn.

Léigh tuilleadh sa rannóg seo 'Nuacht'

Fág freagra ar 'Liosta ar fáil de na cláir is mó lucht féachana ar TG4 agus an spórt is ceol tíre chun cinn'

  • Seán Mag Leannáin

    Cé a dúirt nach ndéanann an CLG tada ar son na Gaeilge? Féach na figiúirí féachana do TG4 anseo. Gan na cluichí Gaelacha is baolach go mbeadh an stáisiún Gaeilge i dtrioblóid. Is ródhócha go mbeadh sé i measc na gcéadta stáisiún eile san ‘dufair dhigiteach’, mar a thugann Alan Esselmont air!

    Ba é cluiche ceannais na sraithe peile Allianz idir Ciarraí agus Maigh Eo i mí an Mhárta an clár is mó a thuill lucht féachana do TG4 in 2019 agus d’fhéach 265,000 ar an meán ar an gcraoladh beo sin as Páirc an Chrócaigh. Cluiche ceannais Pheil na mBan idir Áth Cliath agus an Ghaillimh a bhí sa dara háit agus 253,000 a d’fhéach ar sin. Cluichí peile nó iománaíochta a bhí i ngach ceann eile den 20 clár is mó lucht féachana in 2019 seachas ceann amháin, cluiche rugbaí Pro 14 idir Cúige Mumhan agus Cúige Laighean i mí Eanáir.

    Ceithre chlár Gaeilge nár chláir spóirt nó ceol tíre iad, a thuill lucht féachana níos mó ná 60,000 duine ar an meán: Finné – Paddy Merrigan, An Béal Bocht, Seán Keane ag Ceol agus Phil Coulter mo Shaol.

    Léirigh eolas a fuair Tuairisc.ie cheana nach bhfuil ach thart ar idir 6,000 agus 10,000 duine a fhéachann ar Nuacht TG4 ar an meán de ghnáth. Ábhar imní anseo, tá mé ag ceapadh.

I mBéal an Phobail

GRETB 300 0924
LCETB Brat 0924