Imeachtaí Gaeilge agus Gaeltachta an deireadh seachtaine seo

Seoltaí Leabhar

Seolfar tráthnóna Filleadh na nIarlaí, leabhar nua le Pádraig Ó Baoill faoi thuras a rinne sé ón Fhrainc go hÉirinn ar bord na loinge aitheanta an Jeanie Johnston in 2007. Is ar an Jeanie Johnston féin, atá le Cé Theach an Chustaim i mBaile Átha Cliath, a sheolfaidh an tOllamh le Gaeilge Fionntán de Brún an leabhar ag a 5pm anocht. I mBéal Feiste anocht a sheolfar Cnámh, cnuasach nua gearrscéalta le hEoghan Mac Giolla Bhríde. In Áras Mhic Reachtain i dtuaisceart Bhéal Feirste ag 8pm a sheolfar an saothar is déanaí ón scríbhneoir cumasach Conallach.

Drámaíocht

Léireofar Máire, dráma le Noel Ó Gallchóir, atá bunaithe ar shaol agus shaothar Shéamuis Uí Ghrianna, an t-údar cáiliúil Gaeilge as Rann na Feirste a a bhíodh ag scríobh faoin ainm cleite ‘Máire’. Tugtar carachtair agus eachtraí ó shaothar Uí Ghrianna chun beatha sa dráma seo agus faightear léargas chomh maith ann ar shaol an údair féin. Beidh Máire á léiriú in Áras Mhic Reachtain i mBéal Feirste amárach, an 7 Márta ag a 7.30pm, i dTeach na hÉigse, in Iúr Chinn Trá, Dé Sathairn, an 8 Márta ag 3pm agus i gColáiste Ros Goill, na Dúnaibh, Dé Céadaoin, an 11 Márta ag 8pm.

Scannáin

Taispeánfar Cumar – A Galway Rhapsody leis an scannánaí Gaeltachta Aodh Ó Coileáin i roinnt pictiúrlann ar fud na tíre an deireadh seachtaine seo. Léiriú atá sa scannán dátheangach ar shaol an ealaíontóra sa Ghaillimh agus i gConamara agus ar an tionchar a bhíonn ag an gceantar ar shaothar na n-ealaíontóirí agus an tionchar a bhíonn acusan ar an gceantar. Beidh an scannán á thaispeáint sna háiteanna seo a leanas:

Pálás, Gaillimh, Dé Sathairn, an 7 Márta ag 2pm, Dé Céadaoin an 11 Márta ag 6.20pm agus an 17 Márta ag 4.10pm; Ionad Ealaíon Triskell, Corcaigh, an 15 Márta ag 7pm; Pictiúrlann an Lighthouse, Baile Átha Cliath, an 16 Márta ag 6.30pm; Glen Centre, Contae Liatroma, an 16 Márta ag 8pm