Tá diúltaithe ag an aisteoir aitheanta John Connors agallamh a dhéanamh leis an gclár teilifíse Nolan Live mar gheall ar an dearcadh “déistineach” a deir sé atá ag láithreoir an chláir i leith na Gaeilge.
Ar Twitter a dhiúltaigh an t-aisteoir agus gníomhaí pobail, a bhain cáil amach ar leithéidí Love Hate agus Cardboard Gangsters, don chuireadh teacht ar an gclár Nolan Live ar an BBC chun labhairt faoina óráid ag na Gradaim IFTA a thuill go leor moladh dó mar gheall ar a mhacánta is a bhí sé faoina thaithí mar aisteoir agus duine den lucht siúil.
Thanks for getting in touch Phil but I will forever boycott that show because of Stevens disgusting mockery of the Irish language. The native language of the whole island of Ireland. https://t.co/sQs08z2CP8
— John Connors (@johnconnors1990) 20 Feabhra 2018
@johnconnors1990 Hi John – I work for Nolan Live TV show on BBC One Northern Ireland. We're really interested in doing an interview with you following your incredible IFTA speech. Would you be interested? Thanks, Phill
— Phillip Coulter (@PhillipCoulter) February 20, 2018
Thuill seasamh Connors go leor moladh agus tá an tvuít á scaipeadh go mear.
Togha fir a John! ? comhghairdeas ar do ghradam! ?
— Síle Ní Bhraonáin K (@silliebee) 20 Feabhra 2018
Togha fir a John! ? comhghairdeas ar do ghradam! ?
— Síle Ní Bhraonáin K (@silliebee) 20 Feabhra 2018
Maith an fear John ♥ pic.twitter.com/H3esrAg44x
— Ness? (@IsMiseNessy) 20 Feabhra 2018
Ghuigh an ball foirne de chuid Nolan Live a thug an cuireadh do Connors teacht ar an gclár gach rath ar an aisteoir a bhuaigh an gradam IFTA don aisteoir is fearr an tseachtain seo caite.
Thanks for getting back to me. Best of luck for the future.
— Phillip Coulter (@PhillipCoulter) 20 Feabhra 2018
Tá a síniú curtha ag nach mór 7,500 duine le hachainí ar líne go ngabhfadh an láithreoir teilifíse aitheanta Stephen Nolan leithscéal poiblí as agallamh a rinne sé ar a chlár faoi cheist na Gaeilge ó thuaidh.
Maíonn lucht na hachainí ar an suíomh change.org gur cheart do Nolan leithscéal a ghabháil as fiafraí arís agus arís eile ar chúis ghrinn é ‘curry my yoghurt can coca cola’, an ráiteas conspóideach a rinne Gregory Campbell roinnt blianta ó shin agus é ag scigmhagadh faoin nGaeilge.
