Ní féidir an clúdach aghaidhe ó Thuairisc.ie leis an mana ‘Ar son na cúise’ a cheannach ar ór ná ar airgead. Chaithfeá labhairt go deas leis an eagarthóir nó an bua a bheith agat i gcomórtas éigin amach leis an masc is faiseanta ar fad a fháil.
Ach ní baol do Gaeil dhea-ghléasta mar is léir gur aithin fiontraithe áirithe go raibh bearna sa mhargadh do chlúdaigh aghaidhe le teachtaireachtaí i nGaeilge. Is dócha gur ionann an mana i nGaeilge ar do mhasc agus an Fáinne Nua a chaitheamh tráth den saol – tuigfidh daoine go bhfuil Gaeilge ar do thoil agat agus seans gur sa teanga sin a labhróidh siad leat.
Tá an Spailpín Fánach sa Spidéal i nGaeltacht na Gaillimhe chun cinn sa ghnó nua seo agus rogha leathan de mhaisc le manaí Gaelacha acu, ach tá tuilleadh ar fáil freisin ó dhearthóirí agus ó dhíoltóirí ar líne.
1. €8.50 atá ar an gceann seo ón Spailpín Fánach
2. Ceann don mhúinteoir bunscoile, b’fhéidir, ar €12.50 ó Hairybaby.com
3. An chéad cheist i gcónaí na laethanta seo…€14.07 ó JockDove ar Redbubble.com
4. Bunaithe ar Wonder Woman atá an ceann seo… €12.50 arís ó Hairybaby.com
5. Bród tíre is téama don ceann seo ar €11.99 ó CatwalkMasks ar Etsy.com
6. Tá an ceann seo níos tráthúla ná riamh. €8.50 ón Spailpín Fánach arís
7. Níl ligfear i ndearmad go luath an mana seo ó Carlsberg. €11.00 ó Avokadoandco.com
Fág freagra ar 'Clúdaigh aghaidhe le manaí Gaeilge do Ghaeil dhea-ghléasta'