GNÉ-ALT FÓGRAÍOCHTA: Faigh Blaiseadh de Shamhain sna Croíthailte

Sula raibh Oíche Shamhna ann, bhí Samhain ann. An fómhar seo, faigh blaiseadh den fhéile ársa Cheilteach as ar eascair Oíche Shamhna agus bí páirteach sna traidisiúin san áit ar tháinig siad ar an bhfód den chéad uair. Ón 2 Deireadh Fómhair go dtí an 8 Samhain 2026, déanfaidh Samhain sna Croíthailte san Longfort agus san Iarmhí ceiliúradh ar mhiotais, draíocht, cultúr agus pobal, agus tabharfar Samhain Bhunaidh na hÉireann chun beatha.

Téigh ar aistear trí bhreis agus 5,000 bliain den stair le clár dodhearmadta ina mbeidh mórshiúlta faoi sholas tóirsí, paráidí iontacha, scéalaíocht, ceol beo, léirithe tumthacha, taispeántais tine, eispéiris bhia, imeachtaí teaghlaigh agus eachtraí bunaithe ar an mbéaloideas ar fud Chroíthailte Ceilte na hÉireann.

Bunús Oíche Shamhna

I bhfad sula raibh puimcíní agus bob nó bia ann, rinne na Ceiltigh ársa ceiliúradh ar Shamhain, tráth ar comóradh deireadh shéasúr an fhómhair agus tús an gheimhridh. Creideadh go n-éiríodh an teorainn idir ár saol féin agus an Saol Eile níos éadroime an oíche sin, rud a d’fhág go bhféadfadh spioraid, finscéalta agus traidisiúin ársa gluaiseacht idir an dá shaol.

Sa lá atá inniu ann, déantar Oíche Shamhna a cheiliúradh ar fud an domhain, ach is anseo in Éirinn atá a fréamhacha. Le Samhain sna Croíthailte, tugtar cuireadh do chuairteoirí athcheangal a dhéanamh leis an mbunús sin trí eispéiris bharántúla chultúir, ceiliúradh bríomhar pobail agus scéalta mealltacha a tugadh anuas ó ghlúin go glúin.

Féile Scéalta, Taispeántais agus Traidisiún

Ar fud an Longfoirt agus na hIarmhí, beidh bailte, sráidbhailte, láithreáin oidhreachta agus nithe is díol spéise ag teacht chun beatha le heispéiris faoi anáil oidhreacht Oíche Shamhna na hÉireann.

Cibé acu atá spraoi don teaghlach, scéalta a chuirfidh scéin ort, léirithe tumthacha, ceol traidisiúnta, bia áitiúil nó imeachtaí iontacha séasúracha á lorg agat, gheobhaidh tú rud éigin a thaitneoidh leat agus a spreagfaidh thú.

I measc na mbuaicphointí beidh:

• Paráidí iontacha agus ceiliúradh pobail
• Eispéiris scéalaíochta, béaloidis agus miotaseolaíochta
• Mórthaispeántais tine agus solais
• Eachtraí Oíche Shamhna don teaghlach ar fad
• Ceol, amharclannaíocht agus léirithe tumthacha
• Bia, féastaíocht agus teacht le chéile séasúrach
• Eispéiris oidhreachta agus cuairteoirí faoi anáil thraidisiúin na Samhna

Oíche Shamhna á Ceiliúradh san Áit ar Thosaigh Sí

Is comhoibriú uathúil é Samhain sna Croíthailte idir Comhairle Contae an Longfoirt agus Comhairle Contae na hIarmhí, a thugann pobail, ealaíontóirí, láithreáin oidhreachta, gnólachtaí agus eagraíochtaí cultúrtha le chéile chun oidhreacht shaibhir Oíche Shamhna na hÉireann a cheiliúradh.

Mar chuid de Éire, Baile na Samhna cuireann an fhéile na traidisiúin, na scéalta agus na tírdhreacha a spreag Oíche Shamhna leis na céadta bliain os comhair an phobail.

Pleanáil d’Eachtra Samhna

Séasúr seo na Samhna, téigh thar an gcoitiantacht agus aimsigh na scéalta, na traidisiúin agus na tírdhreacha a mhúnlaigh ceiliúradh domhanda.

Bí linn ón 2 Deireadh Fómhair go dtí an 8 Samhain 2026 agus bain sult as Oíche Shamhna san áit ar thosaigh sí ar fad.

Tabhair cuairt ar SamhainHeartlands.ie chun clár iomlán na n-imeachtaí a fheiceáil.