Is mian le Scoil na nEolaíochtaí Nádúrtha agus Disciplín na Luibheolaíochta Ollamh Cúnta le Fiseolaíocht Phlandaí a cheapadh i bpost tionachta. Beidh taithí aitheanta ag an té a cheapfar ar an teagasc agus an taighde i réimse na Fiseolaíochta Plandaí agus beifear ag súil go gcuideoidh an duine a cheapfar leis an teagasc ag leibhéal céimithe agus iarchéimithe sa réimse seo chomh maith le teagasc curaclam idirdhisciplíneach, maoirseacht agus meantóireacht i réimsí níos leithne na héiceolaíochta agus na bithéagsúlachta, athrú domhanda an chomhshaoil, inmharthanacht agus eolaíocht an chomhshaoil. Tá suim ar leith againn in iarratasóirí a dtacódh nó a neartódh a dteagasc agus a gcuid taighde na réimsí saineolais sna cúrsaí iomadúla atá le fáil cheana féin i nDisciplín na Luibheolaíochta i Scoil na nEolaíochtaí Nádúrtha. Ar chuid de na réimsí sin, tá eolaíocht na hithreach, flosc carbón plandaí, samhaltú aeráide domhanda agus an bhéim ar thimthriallta cothaitheacha na mbithsféar agus na próisis faoin talamh, éiceolaíocht athchóirithe agus athdhúlrú, réitigh atá bunaithe ar an dúlra, agus idirghníomhuithe idir an duine agus plandaí, tacsanomaíocht plandaí, éagsúlacht agus dáileadh agus an bhéim ar fhoraoisí tirime trópaiceacha agus tailte féaraigh, pailé-éiceolaíocht agus pailéchlíomeolaíocht, feithideolaíocht, agus míceolaíocht.
Stádas an Phoist: Lorg Tionachta – Post lorg tionachta é seo, cúig bliana ar dtús, buannacht ag brath ar riachtanais na tionachta a chomhlíonadh.
Tuarastal: Déanfar an ceapachán ar Scála Tuarastail Léachtóra (109BN) de réir cáilíochtaí/taithí agus Polasaí Pá na Seirbhíse Poiblí [€39,469 go €95,441 sa bhliain] https://www.tcd.ie/hr/assets/pdf/monthly-academic.pdf
