Tá deireadh seachtaine mhór roimh fhéile litríochta IMRAM i mBaile Átha Cliath agus Nuala Ní Dhomhnaill agus Joni Mitchell i measc na ndaoine a ndéanfar ceiliúradh ar a saothar.
Beidh Íde na Tine: Tionscadal Joni Mitchell ar siúl ag 8pm anocht in Amharclann Smock Alley agus deis ag daoine cluas le héisteacht a thabhairt do Chaitríona O’Leary agus í i mbun leaganacha nua Gaeilge d’amhráin duine de mhórchumadóirí Mheiriceá.
Saothar duine de mhórfhilí na hÉireann a bheidh á cheiliúradh oíche Dé Domhnaigh ag an ócáid ‘Ómós do Nuala’ Tigh McGrattan ar Shráid Bhagóid, áit a ndéanfar ceiliúradh ar shaothar Nuala Uí Dhomhnaill i gcomhluadar a cairde agus a comhfhilí, ina measc Theo Dorgan, Domhnall Mac Síthigh, Cathal Ó Searcaigh, Dairena Ní Chinnéide, Bríd Ní Mhóráin agus Eiléan Ní Chuilleanáin.
Tá gort nua á threabhadh ag IMRAM féin i mbliana agus an chéad eagrán dá ráitheachán úr, Iris IMRAM, arna chur in eagar ag Liam Carson agus Cathal Póirtéir, á sheoladh istoíche amárach, Dé Sathairn, i gClub Chonradh na Gaeilge ar Shráid Fhearchair.
Seolfar ag an ócáid chéanna Dílis, an chéad bhailiúchán gearrscéalta ó pheann Réaltán Ní Leannáin.
– Is féidir gach eolas faoi imeachtaí IMRAM a fháil anseo
Fág freagra ar 'Oíche ómóis do Nuala Ní Dhomhnaill, agus Iris IMRAM le seoladh'