Ach oiread leo siúd a tógadh i gCois Fharraige lena linn, bhí Gaeilge ghlan, shnasta ag seanchara liom, Stiofán Ó Raighne as an gCoill Rua, a bhásaigh roinnt bliana ó shin, faraor.
Fear mór comhrá ab ea Stiofán agus ba bheag an fháilte a bhí aige roimh an athrú a tháinig ar thithe ósta go leor sna 1970óidí nuair a thosaigh bannaí ceoil agus ceoltóirí ag baint úsáide as micrafóin agus as deiseanna méadaithe gutha.
Agus é ag cur síos dom lá ar an bhfulaingt a bhí déanta aige an oíche roimhréide in áit a mbíodh an trup thar a bheith go dona, dúirt Stiofán faoin mbanna a bhí ag seimn ann “Thabharfadh siad ba bodhra as coillte”. Bealach eile lena rá go ndúiseodh siad na mairbh.
Ba bodhra a thabhairt as coillte. Nach deas é?
Fág freagra ar 'Nach deas é? Thabharfadh siad ba bodhra as coillte…'