Is ag díriú ar roinnt láithreán gréasán a bheidh mé an babhta seo seachas ar leabhair.
Grianghrafadóir spraíúil é Eric Kogan agus tugann sráideanna Nua-Eabhrac an-inspioráid dó:
Baineann sé an-leas as codarsnachtaí agus comparáidí laistigh d’aon ghrianghraf amháin. Mar shampla:
Cumhacht agus grástúlacht na mban atá á cheiliúradh ar láithreán gréasáin Celia D. Luna, mar shampla mná dúchasacha
na Bolaive agus an grá atá acu don chlár scátála:
Ba bhreá liom radharc a fháil ar na Saighneáin uair éigin, caithfidh mé a rá, go háirithe tar éis dom breathnú ar láithreán gréasáin Mikko Lagerstedt.
https://mikkolagerstedt.com/gallery/recent
Spreagadh mé chun haiku a scríobh tar éis dom tamaillín a chaitheamh ag breathnú ar ghrianghraf a ghlac sé den seó spéire is fearr ar domhan!
oilithreacht shíoraí
trí chríocha geala
an anama
Mná Feasa Mheicsiceo
Hoja Santa
le Maciejka Art
£38.00 Clúdach crua
80 grianghraf, dubh is bán agus daite
144 lch
Toisí: 195mmm x 255mm
ISBN:978-1-911306-94-8
Duine de na scríbhneoirí is mó a chuaigh i bhfeidhm orm ab ea Carlos Casteneda:
https://terebess.hu/english/castaneda.html
Mura bhfuil sé léite agat, agus má tá tú chun blaiseadh dá shaothar den chéad uair, táim go mór in éad leat.
Gheobhaidh tú amach óna chuid leabhar go bhfuil Meicsiceo ag cur thar maoil le draíocht agus le fórsaí osnádúrtha.
Sampla eile den draíocht chéanna is ea an leabhar seo, Hoja Santa, atá suite i gceantar Afracach de Mheicsiceo ar a dtugtar Costa Chica. Ainm ar phlanda beannaithe is ea hoja santa. D’éalaigh an-chuid sclábhaithe Afracacha go dtí ceantar Costa agus tá a sliocht ann go rábach inniu.
Chaith Maciejka Art, ar Polannach í, bliain ina dteannta agus casadh mná na háite uirthi, mná feasa. Meascán de chreidimh éagsúla atá ag
na mná sin – nach gcónaíonn de ghnáth i dteannta na bhfear – an Caitliceachas, credimh Afracacha agus Mheicsiceacha.
WTF
Míle buíochas.