Sheas beirt laochra spóirt an fód inniu nuair a deineadh ionsaí orthu ar na meáin shóisialta as an nGaeilge agus an Bhreatnais a chur chun cinn ar a gcuntais Twitter.
Níos túisce inniu, thug Paddy Barnes, an dornálaí as Béal Feirste, fúthu siúd a bhí ag caitheamh anuas air nuair a d’fhógair sé go raibh a thríú rang Gaeilge déanta aige agus é compordach anois i mbun comhrá sa teanga.
Finished my 3rd Irish class there! Starting to be able to have a small conversation now 😃
— Paddy Barnes (@paddyb_ireland) June 18, 2015
Níorbh é Barnes an t-aon laoch spóirt ar spreag a rogha teanga caint tharcaisniúil ar na meáin shóisialta. Caitheadh go leor maslaí freisin le himreoir sacair cáiliúil Arsenal Aaron Ramsey nuair a sheol sé giolc i mBreatnais.
Roinnt laethanta ó shin scaip Ramsey ar a chuntas Twitter pictiúr de lá a phósta leis an teachtaireacht ‘Un flwyddyn heddiw’ a chiallaíonn ‘Cothrom an lae seo bliain ó shin’.
Un flwyddyn heddiw ❤️pic.twitter.com/B1cj8u1YyS — Aaron Ramsey (@aaronramsey) June 8, 2015
Fuair imreoir Arsenal agus na Breataine Bige go leor teachtaireachtaí dea-mhéine mar fhreagra ar a ghiolc, ach gránna go maith a bhí cuid eile den aiseolas. D’fhiafraigh roinnt daoine de an amhlaidh a bhí sé ar meisce agus é ag cumadh na teachtaireachta nó arbh é a tharla dó ná gur sciorr a láimh ar an méarchlár agus é á scríobh.
@aaronramsey Did you have a seizure while typing this tweet or something?
— BG (@BanterousGooner) June 8, 2015
“@aaronramsey: Un flwyddyn heddiw ❤️pic.twitter.com/lGu92yR8Q7” omg Welsh is so ugly
— moon maiden (@zee_xcx) June 10, 2015
@aaronramsey don’t drink and tweet. 🍻
— Bernard Poel (@BernardPoel) June 8, 2015
‘Gibris’ a thug daoine eile ar a theachtaireacht Bhreatnaise.
@MegatronAFC @aaronramsey it’s welsh lmao it literally is just random gibberish the entire language
— Forever World Tails (@BieIik) June 8, 2015
@aaronramsey gibberish
— IAWT (@IAmSharky_8) June 8, 2015
@aaronramsey ENGLISH, MOTHERFUCKER! DO YOU SPEAK IT?
— Craig (@KoscielnyFC) June 8, 2015
Tráthnóna inniu, ghabh Ramsey buíochas leo siúd a chuir teachtaireachtaí dea-mhéine chuige agus thug sé le fios nach raibh sé chun géilleadh do lucht a cháinte agus go leanfadh sé air ag giolcaireacht i mBreatnais.
Thanks for all the nice and supportive tweets about the Welsh language. Proud to speak it and will continue to use it on Twitter!
— Aaron Ramsey (@aaronramsey) June 18, 2015
Fuair Paddy Barnes, a bhfuil dhá bhonn cré-umha buaite ag na Cluichí Oilimpeacha aige, moladh ó go leor daoine as a fhógra go raibh dul chun cinn á dhéanamh aige ina ranganna Gaeilge, ach dála theachtaireacht Ramsey, spreag sé roinnt mioscaise i measc lucht Twitter chomh maith. Tugadh teanga mharbh gan úsáid ar an nGaeilge; dúirt duine amháin leis an dornálaí gurbh fhearr dó an Béarla a fhoghlaim i gceart i dtosach.
@paddyb_ireland Shite dead language
— tea & bicks (@pauljohnson1212) June 18, 2015
@paddyb_ireland Would you not need to learn English first?
— Conrad Cummings (@ChampCummings) June 18, 2015
Tomhaiste go maith a bhí an fear troda agus é ag bréagnú ráiteas lucht a ionsaithe. Dúirt sé go raibh níos mó Gaeilge in úsáid ag daoine ná mar a thuig siad féin fiú.
@pauljohnson1212 you’d be surprised how much the Irish language is used by us all, even slang words
— Paddy Barnes (@paddyb_ireland) June 18, 2015
