GNÉ-ALT FÓGRAÍOCHTA: Déan iarratas chun Sána Snámha a reáchtáíl i gCuan Dhún Laoghaire

Seo deis ar leith le heispéireas suaimhneach agus athnuachana a chur ar fáil do  mhuintir na háite agus do chuairteoirí

Tá deis ar leith fógartha ag Comhairle Contae Dhún Laoghaire-Ráth an Dúin do dhaoine aonair nó do ghnólachtaí iarratas a dhéanamh le Sána Snámha a chur ar fáil agus a reáchtáil laistigh de Chuan Inmheánach Chuan Dhún Laoghaire.

Seo deis ar leith le heispéireas suaimhneach agus athnuachana a chur ar fáil do  mhuintir na háite agus do chuairteoirí. Suite taobh leis an tSeanchéibh i gCuan Dhún Laoghaire, beidh an Sána Snámha bunaithe ar struchtúr pontúin nach mó ná 8m ar fhad x 5m ar leithead (uasmhéid 40m2). Ní mór tús áite a thabhairt don inbhuanaitheacht, agus do thograí neamhthuilleamaíocha agus do chleachtais a bheidh neamhdhíobhálach don chomhshaol.

Is láithreán oidhreachta ailtireachta cáiliúil é Cuan Dhún Laoghaire a bhfuil tábhacht náisiúnta agus idirnáisiúnta ag baint leis, a bhfuil cáil air mar phríomhionad seoltóireachta in Éirinn. Le 4 chlub luaimh agus na soláthróirí oiliúna seoltóireachta is mó in Éirinn, tá traidisiún muirí saibhir ag an gCuan. Cé gur mol é an Cuan do ghníomhaíochtaí seoltóireachta, táimid ag obair go gníomhach chun rannpháirtíocht an phobail i réimse spóirt uisce a mhéadú. Má chuirtear Sána Snámha leis, cuirfear áis ar leith ar fáil do chuairteoirí chun taitneamh a bhaint as an gCuan ar bhealach nua.

Is féidir le páirtithe leasmhara a gcuid moltaí a chur isteach chun an Sána Snámha a reáchtáil faoi 5pm Dé hAoine, 14 Feabhra.

Chun tuilleadh eolais a fháil agus chun togra a chur isteach, tabhair cuairt anseo.

Fág freagra ar 'GNÉ-ALT FÓGRAÍOCHTA: Déan iarratas chun Sána Snámha a reáchtáíl i gCuan Dhún Laoghaire'

  • Art

    By Daid