Tá físeán dátheangach nua curtha amach ag cumann sacair Gaeltachta agus feachtas bailithe airgid tosaithe acu.
Tá físeán Bearna-Na Forbacha Aontaithe, cumann sacair i nGaeltacht Chonamara i gcontae na Gaillimhe, á scaipeadh go tréan ar líne ó seoladh le déanaí é.
Tá an cumann ag iarraidh airgead a bhailiú chun tuilsoilse a cheannach don pháirc astroturf nua a bhíonn in úsáid acu sna Forbacha.
Sa bhfíseán feictear baill óga an chumainn ag traenáil faoi cheannsoilse carranna agus is iad na himreoirí óga céanna a dhéanann guthú, i mBéarla agus i nGaeilge, ar an bhfíseán.
Tá an cumann anois ag iarraidh ar chomhlachtaí mórchláir fógraíochta a chrochfar timpeall na páirce a cheannach.
Fág freagra ar 'FÍSEÁN: Cumann Sacair Gaeltachta ag bailiú airgid chun tuilsoilse a cheannach'