Tá sé deimhnithe ag RTÉ Raidió na Gaeltachta go mbeidh an craoltóir aitheanta Máirtín Tom Sheáinín ag éirí as a phost i mí Samhna na bliana seo.
Pearsa mór de chuid an stáisiúin Ghaeilge é Máirtín Tom Sheáinín, a bhfuil an clár cainte Ardtráthnóna á chur á láthair aige le 22 bliain anuas.
Tháinig críoch thobann le Ardtráthnóna, atá á chraoladh ó 1998, i mí an Mhárta seo caite agus bhí amhras ann faoi thodhchaí an chláir.
Dúirt urlabhraí Raidió na Gaeltachta le Tuairisc.ie, áfach, go mbeidh Máirtín Tom Sheáinín ar ais i mbun craoltóireachta ar an 7 Meán Fómhair, tráth a gcuirfear tús le sceideal an fhómhair.
Dúirt an t-urlabhraí go dtiocfaidh “athruithe ar an sceideal” i mí na Samhna seo chugainn, nuair a bheas láithreoir an chláir ag éirí as a phost.
Ó Luan go Céadaoin ag a 2pm a bheidh Máirtín Tom Sheáinín i mbun an chláir sa dá mhí sula rachaidh sé ar scor, a dúirt urlabhraí an raidió le Tuairisc.ie.
Dheimhnigh urlabhraí ó TG4, áfach, go mbeidh Máirtín Tom Sheáinín ag dul i mbun taifeadta ar shraith nua den chlár teilifíse Comhrá i mí na Samhna agus go mbeidh an tsraith sin le feiceáil ar an scáileán an bhliain seo chugainn.
Idir an dá linn, tá sé fógartha gurb í an craoltóir Claire Byrne, a bheidh ina láithreoir ar mhórchlár Radio 1, Today, clár a bhí á chur i láthair ag Sean O’Rourke go dtí go ndeachaigh sé ar scor níos luaithe i mbliana. Sarah McInerney atá mar láithreoir eatramhach ar an chlár sin faoi láthair.
CRISTINE uistjosephsbbb LABHRAI
TA sar obair deanta ag Mairtin ar radio &telefis .Thosaig me ag chuir feabhas ar mo chuid gaeilge ag eisteacht leis. Cuirfidh muid ar mbeannachtai chuige .
Seosamh Ó Cuaig
Duine de na craoltóirí is fearr in Éirinn
Martan O' Ciardha
Is rímhór an chailliúint seo do mhuintir na Gaeltachta
Seán Mag Leannáin
Is fíor gur deireadh ré é. Táim ag éisteacht leis ar Ardtráthnóna le fada an lá. Sár-chraoltóir agus lena chois sin is fear uasal é. Bhí mé ar chúrsa le Gaeleagras sa gCeathrú Rua thart ar 15 bliana ó shin agus chas mé leis ag oíche siamsaíochta san óstán ansin. Rinne mé iarracht deoch a cheannach dó ach níor lig sé dom agus céard a dhéanfadh sé ach pionta a cheannach dom!
Pádraig
Is mór an chailliúint é do RnaG agus do chraoltóireacht na Gaeilge trí chéile. Craoltóir den scoth atá ann a bhfuil nasc láidir aige lena phobal féin agus pobal na Gaeilge agus na Gaeltachta ar fud na tíre. Beidh sé an-deacair a bhróga a líonadh! Go n-éirí leat, a Mháirtín – tá súil agam go leanfaidh tú ort ag caint agus ag comhrá! :)
Sinéad
Tá mé croí bhriste, lom na fírinne a rá. An craoltóir is fearr dá raibh ann ariamh, sin mo thuairimse. Guím gach uile rath ar Mháirtín. Go raibh míle maith agat a chara.
Pádraig Ó Súilleabháin
Tús (is ní deireadh) ré, a Mháirtín!
Tugaimid taitneamh mór do ‘Comhrá’ is sinn ag súil go mór le sraith nua.
Ár mbuíochas leat as teach Choilm de Bhailís a thaispeáint dúinn blianta ó shin nuair a chuamar ó thuaidh le linn ‘Peigín Leitir Móir’.
Go maire tú an céad (is tuilleadh lena chois), faoi shonas is faoi shláinte!
Sean O Ciobhain
Nil i ndeireadh re ach tus re nua, a Mhairtin.
B’fheidir anois go mbeadh deis agat feasta Cnoc Chathail Oig agus na haiteanna thiar a thaispaint duinn nuair a raghad siar aris tar eis an choibhid mallaithe seo.
Sean O Ciobhain
Sean O Flaithearta
Adh mor a Mhairtin ban sult as do scith
Saoil fada le dea shláinte amach romhat
go leoir cláracha iontacha deanta agat
Is tu a rinne an chéad chlár radio as ollmaragadh d’éirigh go hiontach leis
NIL AON MhAITH DEANTA….
Sean
Traolach Ó Sioradáin
Guím gach rath ort, a Mháirtín.
Is mór agam do chuid Gaelainn’ a chloisint ar radio agus ar teilifís.
Go maire tú an céad.
Kathleen Flanagan
Ta duil agam go mbeidh muid abalta mairtin a chloisteail San am ata Le teacht. Am eigin. Uair eigin. Ar chaoi eigin. Bhi se togha ar fad. Thuig se staid na daoine, go mor mhor muintear na h oileain. Agus muintear na gaeltachta… Go n eirigh an bothar leat anois a Mhairtin.