- Cáideo a bhí tú ag cluiche páirce?
- An mbeifeá sásta freastal ar leathchéad cluiche spóirt as seo go ceann bliana (na céadta sna seacht mbliana)?
- An bhfuil tú siocrach do shlaghdáin? Beidh go leor lámha smaoiseacha agus póga aicídeacha ag cuimilt duit go ceann seacht mbliana.
- An bhfuil tú ceanúil ar bheadaíocht nó an bhfuil galar an chraois ag gabháil duit? Fiafraigh den dochtúir faoin gcontúirt a bhaineann leis an ampla agus an placadh ag ócáidí ceiliúrtha.
- An bhfuil tú in ann do chuid óil a iompar? Beidh neart de thart ort.
- An bhfuil greim ar do theanga agus ar do pheann agat? Cloisfidh tú neart pápaireachta agus deargbhréaga agus caithfidh tú guaim a choinneáil ort féin.
- An mbuaileann fonn ragúis thú scaití? Fainic! Fan leis an ióga.
- An bhfuil spás ar do chába don fháinne, don dá phoipín agus don lile?
- An miste leat na huachtaráin a bhí ansin romhat a bheith ag faire ort ar na pasáistí?
- An gcuirfidh taibhsí fhir ionaid an rí san áras aon mhairg ort?
- An maith leat a bheith ag tiomáint?
- An bhfuil sléachtaí Chogadh na gCarad fós á reic agat?
- An bhfuil acmhainn agat ar an bhfuacht? Is iomaí gaoth fhuar fheanntach a bhuailfidh thú ag na hócáidí cuimhneacháin sin go léir.
- Ar fhan tú in aon phost eile ar feadh seacht mbliana?
- Dá bhfaighfeá tairiscint níos fearr as seo go ceann seacht mbliana, an imeofá?
- An bhfuil tú ceanúil ar shochraidí is aifrinn agus ráitis neamhchonspóideacha faoi na mairbh? Go leor acu romhat.
- An bhfuil aon ainmhithe agat? An dtabharfaidh tú leat go dtí an tÁras iad agus an dtabharfaidh tú aire mhaith dóibh?
- An leanfaidh tú leis na cóisirí sa ngairdín?
- An labhróidh tú Gaeilge ag an insealbhú agus an ngabhfaidh tú ar aistear teanga ina dhiaidh?
- An nglacfaidh tú an mhóid ar an mBíobla?
20 ceist do na hiarrthóirí i dtoghchán na huachtaránachta…
Tá fiche ceist ag ár gcolúnaí don seisear atá san iomaíocht i Rás an Árais…
Fág freagra ar '20 ceist do na hiarrthóirí i dtoghchán na huachtaránachta…'