Dé Sathairn, an 6 Meitheamh
Tá an samhradh ag druidim linn go tiubh agus is fiú go mór teacht chuig an Mhí Dé Sathairn, an 6 Meitheamh chun sult a bhaint as go leor ócáidí a bheidh ar siúl do pháistí agus do theaghlaigh an lá sin. Beidh muid ag ceiliúradh Chruinniú na nÓg, Lá Náisiúnta na Cruthaitheachta do pháistí an Satharn sin le réimse leathan imeachtaí a bheidh ag tarlú sa brainsí leabharlainne ar fud an chontae. Smaoinigh ar cheardlann drámaíochta le scoil aisteoireachta an Gaiety; imeachtaí sorcais, GarageLand Galaxyz agus ceardlanna damhsa, agus tuilleadh lena chois sin!
Ní hamháin sin ach beidh Cruinniú @ Féile na Gealaí ag tarlú i Ráth Chairn chomh maith mar chuid de Lá Teaghlaigh Fhéile na Gealaí, le dhá ócáid sorcais a bheidh ag tarlú taobh istigh agus taobh amuigh den leabharlann ansin agus iad go hiomlán trí Ghaeilge. Ní gá áirithint a dhéanamh roimh ré do na hócáidí seo i Ráth Chairn.
Tugtar cuireadh do pháistí agus daoine óga freastal ar ócáidí Chruinniú na nÓg agus Cruinniú @ Féile na Gealaí seo, agus cuirfear fáilte mhór rompu. Cuimhnigh go mbeidh gach ócáid saor in aisce ach beidh spásanna teoranta i gcás an chuid is mó díobh, seachas na cinn i Ráth Chairn a luadh cheana, agus an seisiúin Imirt & Cruthaigh i mBaile an Bhiataigh, is imeacht buail isteach é sin. Léigh níos mó thíos faoi na himeachtaí a bheas ar siúl. Beidh rud éigin ar fáil a oirfidh do gach duine! Ní mór áirithint a dhéanamh roimh ré ar an nasc a bhaineann le gach ócáid.
Bígí linn le haghaidh lá spraíúil Dé Sathairn, an 6 Meitheamh i gContae na Mí!
Spraoi Céadfach don Teaghlach
Bí in éineacht le Taiscéalaithe na gCéadfaí le haghaidh Seisiún Céadfach Ionchuimsitheach 1 uair an chloig.
Tráidirí Spraoi Mhínéata bunaithe ar na céadfaí
Tráidirí tógála ar nós Magnatiles agus bloic Minecraft
Ealaíon & Ceardaíocht
Go leor tacaíochtaí céadfacha agus taiscéalaíocht le fiosrú ar nós cosáin chéadfacha, clocha coisithe agus bréagáin chéadfacha.
Oiriúnach do leanaí de gach cumas idir 1 bhliain agus 8 mbliana d’aois
Ionad: Leabharlann Chill Dhéagláin
www.meath.ie/council/events/cruinniu-na-nog-2026-family-sensory-fun
Rithim na Luath-Óige leis an gCeoláras Náisiúnta
Bí i dteannta do linbh bhig i seisiún ceoil luath-óige bunaithe ar chnaguirlisí, dírithe ar bhuille, rithim, agus fuaim.
Áireofar sna ranganna seo raon gníomhaíochtaí ag baint úsáid as uirlisí cnaguirlisí, a spreagann éisteacht, comhordú, agus rannpháirtíocht ghrúpa.
Tá na seisiúin seo beartaithe d’aoisghrúpaí 3-6, agus tá deartháireacha agus deirfiúracha níos óige agus níos sine fáilte roimh fhreastal. Ní mór do leanaí a bheith i dteannta tuismitheoir/caomhnóir ar feadh na tréimhse.
Ionad: Leabharlann Chill Dhéagláin
Seisiún 1: 10:15am – 10:45am
Seisiún 2: 11:15am-11:45am
Beatha agus Sláinte, a Laochra!
Eispéireas idirghníomhach uathúil leis an Údar Graham Tugwell ina nglacann ceithre fhoireann de dhaoine óga ról ceathrar eachtraí ag tabhairt faoi mhisean chontúirteach. Tá a n-ábaltachtaí speisialta féin ag gach foireann, mar aon le hearraí draíochta ar leith (le fáil ar bhileoga carachtar shimplí a sholáthrófar do gach grúpa).
Cosúil le leabhar roghnaigh-d’eachtra-féin, nó Dungeons & Dragons, déanfar Beatha agus Sláinte, a Laochra! a aithris san fhíor-am. Treoróidh Graham na heachtraithe trí shraith dúshlán. De réir mar a thugtar aghaidh ar gach constaice nó puzal, ní mór do na himreoirí oibriú le chéile agus cinneadh a dhéanamh ar chúrsa na gníomhaíochta.
Athróidh gach rogha sreabhadh an scéil – an dtabharfaidh an doras a roghnaíonn siad go rath nó go contúirt bhreise iad? An réiteoidh siad na puzail taobh thiar díobh nó an dúiseoidh siad gaiste marfach? An bhfaighidh siad taisce iontach nó an mbeidh cinniúint uafásach i ndán dóibh? Is iad ag a gcuid roghanna féin – agus ag na dísle – a bheidh an cinneadh.
Oiriúnach do leanaí idir 9-13 bliana d’aois.
Ionad: Leabharlann Chill Dhéagláin
Am: 1pm – 2pm
https://www.meath.ie/council/events/cruinniu-na-nog-2026-greetings-heroes
Ceolchoirm Idirghníomhach do Leanaí
Tabhair leat do pháistí réamhscoile chun páirt a ghlacadh i gCeolchoirm Chlasaiceach Idirghníomhach do Leanaí.
Bí ag canadh, ag damhsa, cuir eolas na huirlisí, foghlaim faoin gceol agus déan roinnt ceoil lenár cnaguirlisí fiú, tá an-spraoi i gceist leis.
Ceaptar é seo do theaghlaigh a bhfuil páistí réamhscoile nó leanaí níos sine acu, suas go 7 mbliana d’aois. Ní mór do leanaí a bheith in éineacht le tuismitheoir/caomhnóir i rith an ama.
Ionad: Leabharlann Chill Dhéagláin
Am: 3pm – 4pm
https://www.meath.ie/council/events/cruinniu-na-nog-2026-interactive-kids-concert
Imir agus Cruthaigh
Téigh isteach i ndomhan na cruthaitheachta agus na taiscéalaíochta i Leabharlann Bhaile an Bhiataigh, áit a mbeidh rogha gníomhaíochtaí ETIM ar fáil do Chruinniú na nÓg.
Is seisiún súgartha oscailte é seo le cluichí agus gníomhaíochtaí dírithe ar smaointeoireacht eolaíochta, teicneolaíochta, innealtóireachta, agus matamaitice. Cuirtear deis den scoth ar fáil leis do thuismitheoirí agus do leanaí chun tógáil, foghlaim agus súgradh a dhéanamh le chéile ag baint úsáid as na bréagáin & cluichí atá againn a roghnaíodh go speisialta.
I measc na mbréagán atá ar fáil tá Magformers, Lego, Duplo, Jenga, Magnets, Ficheall, Bloic adhmaid, Magneti-book, míreanna mearaí, Tic Tac Toe, Scramble, Jumpin’, Guess Who, Potato Head, Kapla, Sologic agus go leor eile!
Oiriúnach do leanaí idir 3 – 10 mbliana.
Is imeacht buail isteach é seo. Ní gá réamhchlárú a dhéanamh. Ní mór do leanaí a bheith i dteannta tuismitheoir/caomhnóir i rith an ama.
Ionad: Leabharlann Bhaile an Bhiataigh
Am: 10am – 11:30am
https://www.meath.ie/council/events/cruinniu-na-nog-2026-play-and-create
Tum “Faoin bhFarraige” le Playful Tribe!
Bí linn le haghaidh seisiún meidhreach rannpháirteach bunaithe ar na céadfaí agus ar spraoi mínéata, áit ar féidir le páistí beaga réimse uigeachtaí, dathanna, agus ábhair a iniúchadh trí thaithí láimhe. Spreagann an eachtra seo, a bheidh faoi stiúir na leanaí, cruthaitheacht, samhlaíocht, agus forbairt luath i spás ciúin fáilteach.
Beidh saoirse ag na leanaí fiosrú a dhéanamh ar a luas féin, agus beidh deis ag cúramóirí spraoi a bheidh acu féin freisin agus cuimhní speisialta a dhéanamh le chéile.
Beidh an seisiún seo oiriúnach do leanaí ón uair is féidir leo suí go neamhspleách suas go 6 bliana d’aois. Ní mór duine fásta amháin a bheith in éineacht le gach leanbh.
Ionad: Leabharlann Bhaile an Bhiataigh
Am: 10am –– 11am
https://www.meath.ie/council/events/cruinniu-na-nog-2026-dive-under-the-sea-with-playful-tribe
Cruthaigh do Laoch & d’Eachtra Féin — Ceardlann Dungeons & Dragons d’Eachtraithe Óga!
Ar mhaith leat riamh a bheith i do dhraoi, i do laoch, nó i do rógaire glic? Bí linn le haghaidh ceardlann theagmhálach Dungeons & Dragons, áit a ndéanfaidh tú do charachtar féin a dhearadh. Roghnóidh gach duine óg a ainm, a scileanna, a cúlscéal agus an chuma atá air, sula rachaidh sé i gcomhar le comh-eachtraithe ar thóraíocht spreagúil treoraithe faoi stiúir Máistir Doinsiúin a bhfuil an-taithí aige.
Níl aon taithí ag teastáil, níl le breith leat ach do shamhlaíocht!
Cuirfear gach ábhar ar fáil, agus gheobhaidh gach rannpháirtí a thacar féin dísle RPG le tabhairt abhaile.
Oiriúnach do pháistí 8–12 bhliain d’aois
Ionad: Leabharlann Bhaile an Bhiataigh
Am: 1pm – 4:30pm
https://www.meath.ie/council/events/cruinniu-na-nog-2026-create-your-own-hero-adventure
Luibheolaíocht le Anyone 4 Science!
Bí réidh chun dul ag tochailt i ndomhan fíorspéisiúil na bplandaí inár gCeardlann ETIM ar Luibheolaíocht!
Déan iniúchadh ar thuras dochreidte na síolta–ó thúis bheaga bhídeacha go plandaí rathúla. Faigh amach faoina bhfuil ag teastáil ó shíolta chun go bhfásfaidh siad, faoi mar a fhorbraíonn fréamhacha agus bachlóga, agus faoin bhfáth a bhfuil plandaí riachtanach don bheatha ar an Domhan.
Cuir do shíolta féin chun iad a thabhairt abhaile, déan breathnóireachtaí, agus smaoinigh mar fhíor-eolaithe, tuar, tástáil, agus féach ar do phlandaí ag fás le himeacht ama.
Oiriúnach do leanaí idir 4-7 mbliana. Ní mór do leanaí a bheith i dteannta duine fásta amháin.
Ionad: Leabharlann Bhaile an Bhiataigh
Am: 2pm – 2:45pm
https://www.meath.ie/council/events/cruinniu-na-nog-2026-botany-with-anyone-4-science
Déan d’Eitleog Féin! Bí le Anyone 4 Science agus tabhair le chéile an chruthaitheacht agus fisic an fhíorshaoil chun cabhrú le tuiscint a fháil ar mar a eitlíonn rudaí.
Déan innealtóir óg díot féin chun d’eitleog féin a dhearadh, a thógáil, agus a thástáil!
Oiriúnach do leanaí idir 7-12 bliana
Ionad: Leabharlann Bhaile an Bhiataigh
Am: 3:15pm – 4pm
https://www.meath.ie/council/events/cruinniu-na-nog-2026-make-your-own-kite
Buntreoir don Drámaíocht le Scoil Aisteoireachta an Gaiety
Tum thú féin i ndomhan na drámaíochta agus scaoil le do shamhlaíocht! Tá an cheardlann spraíúil ardfhuinnimh seo foirfe do leanaí atá nua don drámaíocht agus ar mhaith leo triail a bhaint as. Trí chluichí, tobchumadóireacht, agus gníomhaíochtaí grúpa, cuirfidh siad lena gcuid muiníne, déanfaidh siad cairde nua, agus tiocfaidh siad an ar bpléisiúr a bhaineann le taibhiú a dhéanamh agus iad i spás suaimhneach tacúil.
Feadh an bhealaigh, sealbhóidh siad go leor scileanna iontacha gan é a thabhairt faoi deara fiú, ar nós a bheith ag labhairt os ard agus ag obair le daoine eile, agus leas a bhaint as a nglór, a gcolainn, agus a samhlaíocht chun scéalta a insint. Is é an rud is tábhachtaí faoi ná rudaí nua a thriail, spórt a bheith agat, agus muinín a chothú agus a neartú le chéile.
Oiriúnach do leanaí idir 8-10 mbliana d’aois
Ionad 1: Mol Turasóireachta agus Cultúir Theach Cúirte Cheannanais – Ní mór do leanaí a bheith i dteannta tuismitheoir/caomhnóir ar feadh tréimhse an imeachta ag an ionad seo.
Am: 10:45am – 12:15pm
Ionad 2: Leabharlann na hUaimhe
Am: 1:30pm – 3pm
Draíocht agus Ruaille Buaille an Mad Hatter!
Bígí réidh don seó draíochta is craiceáilte ar domhan! Tagann slaitíní draíochta dofheicthe chun cinn agus imíonn siad arís i seó ina bhféadfadh rud ar bith tarlú. Tugann an Mad Hatter spraoi agus cruthaitheacht chun beatha le draíocht, diabhlaíocht agus puipéadóireacht, i seó spleodrach lán siamsaíochta. Tar isteach i ndomhan ina mbíonn deis ag gach duine a bheith draíochtúil, sa seó seo a bhaineann leis an tsamhlaíocht agus leis an spraoi.
Níl aon teorainn leis an áit a rachaidh an seó, agus leis na páistí i gceannas, beidh neart cora agus castaí sa turas go dtí an ceann scríbe deiridh… is é sin an spraoi!
Beidh an seó oiriúnach do theaghlaigh agus do pháistí suas go 7 mbliana d’aois. Ní mór do pháistí a bheith i dteannta tuismitheora/caomhnóra i rith an ama.
Ionad: Mol Turasóireachta agus Cultúir Theach Cúirte Cheannanais
Am: 1pm – 2pm
https://www.meath.ie/council/events/cruinniu-na-nog-2026-mad-hatters-magic-and-mayhem
Bí réidh le bogadh, le damhsa agus le lonrú!
Bí i dteannta GK Stage Academy le haghaidh ceardlann damhsa spraíúil do leanaí idir 7–10 mbliana d’aois, áit a bhfoghlaimeoidh leanaí conas bogadh agus damhsa cosúil leis na réaltaí popcheoil is fearr leo féin.
Le go leor cruthaitheachta, stíle, agus fuinneamh gan stad, beidh an cheardlann seo ina bealach iontach chun bheith gníomhach agus chun spraoi a bheith agat!
Níl aon taithí ag teastáil–bíodh díocas ort agus bí réidh chun damhsa!
Ionad 1: Leabharlann na hUaimhe
Am: 12:05pm – 12:50pm
Ionad 2: Mol Turasóireachta agus Cultúir Theach Cúirte Cheannanais – Ní mór do leanaí a bheith i dteannta tuismitheoir/caomhnóir ar feadh tréimhse an imeachta ag an ionad seo.
Am: 2:45pm – 3:35pm
www.meath.ie/council/events/cruinniu-na-nog-2026-get-ready-to-move-groove-and-shine
Ceardlann Muiníne Cruthaitheachta le Scoil Aisteoireachta an Gaiety
Bí réidh le do mhuinín chruthaitheach a chothú agus am iontach a bheith agat á dhéanamh! Tá an cheardlann bhríomhar fháilteach seo foirfe do dhaoine óga atá nua don drámaíocht agus ar mhaith leo rud éigin difriúil a thriail. Trí chluichí spraíúla, tobchumadóireacht, agus gníomhaíochtaí grúpa, buailfidh tú le daoine nua, cuirfidh tú le do shamhlaíocht, agus éireoidh tú níos muiníní i spás suaimhneach tacúil.
An rud is tábhachtaí anseo ná triail a bhaint as, do ghlór a aimsiú, agus a bheith ag teacht ar bhealaí nua chun tú féin a chur in iúl. Níl aon taithí ag teastáil, ach ní mór duit a bheith toilteanach chun léim isteach agus spraoi a bheith agat.
Oiriúnach do dhaoine óga idir 14-16 bliana d’aois
Ionad: Leabharlann na hUaimhe
Am: 3:30pm – 4:30pm
Súgradh Céadfach le Discovery Playtime
Bí linn i leabharlann na hUaimhe do Sheisiún Súgartha Chéadfaigh Chruinniú na nÓg le Discovery Playtime. Sa seisiún spraíúil teagmhálach seo tabharfar cuireadh do leanaí óga agus dá gcúramóirí chun bheith ag foghlaim tríd an súgradh i dtimpeallacht shuaimhneach ina leagtar béim ar na céadfaí.
Is féidir le leanaí taitneamh a bhaint as raon gníomhaíochtaí a bhfuil téama an tsamhraidh mar inspioráid acu, chun an chruthaitheacht, an fhiosracht, agus an tsamhlaíocht a spreagadh.
Is fearr a oirfidh an seisiún seo do leanaí idir 3–8 mbliana d’aois. Buail isteach chun súgradh, fiosrú, agus foghlaim samhraidh a dhéanamh le chéile.
Ní mór do leanaí a bheith i dteannta tuismitheora/caomhnóra i rith an ama.
Ionad: Leabharlann na hUaimhe
Am: 10am – 11am
https://www.meath.ie/council/events/cruinniu-na-nog-2026-sensory-play-with-discovery-playtime
Na Spinning Sisters Suntasacha ag cur a dTaispeántas Líreacáin san Aer i láthair!
Bí réidh chun breathnú suas agus iontas a bheith ort! Beidh na Spinning Sister dochreidte ag tabhairt a dTaispeántais Líreacáin san Aerchun beatha go hard os cionn na talún, ag déanamh cleasa, castaí, agus cothromaíochtaí a bhainfeadh an anáil díot ar a bhfáinne ollmhór i gcruth líreacháin. Le grástúlacht, neart, agus beagáinín draíochta, beidh an teaghlach iomlán faoi gheasa acu ó thús go deireadh.
Ach níl deireadh leis an spraoi ansin. Tar éis an tseó, beidh deis agat a bheith páirteach! Téigh isteach i ndomhan an tsiorcais agus bain triail as húlahúpáil i gceardlann spraíúil ghníomhach faoi stiúir taibheoirí is saineolaithe. Cibé an bhfuil tú i do ghlanthosaitheoir nó an bhfuil grá agat cheana féin do bheith ag guairneáil, beidh rud éigin ann do chách le sult a bhaint as.
Is eispéireas siorcais idirghníomhach lán spraoi é do leanaí agus do theaghlaigh, beag beann ar aois. Buail isteach agus glac páirt sa spórt!
Oiriúnach do dhaoine de gach aois.
Ionad: Leabharlann an tSeanchaisleáin
Amanna: 11am Taispeántas agus ceardlann ina dhiaidh
12pm Taispeántas agus ceardlann ina dhiaidh
2pm Taispeántas agus ceardlann ina dhiaidh
Garageland Galaxyz ag Éirí ó Thalamh do Chruinniú na nÓg 2026 – Ag Tuirlingt ag Ionad Cultúir Swift, Baile Átha Troim!
Tá Garageland Galaxyz le tuirlingt i bpobail ar fud na hÉireann do Chruinniú na nÓg 2026, lá náisiúnta na cruthaitheachta do dhaoine óga – agus i mbliana, tuirlingíonn an spásárthach ag Ionad Cultúir Swift i mBaile Átha Troim, Contae na Mí!
Stáitse Náisiúnta do Chruthaithe Óga
Is ceiliúradh spleodrach ar chruthaitheacht na hóige é Garageland Galaxyz ag Cruinniú na nÓg – sraith náisiúnta imeachtaí stíl féile ag a mbíonn ealaíontóirí idir 12–19 i lár an aonaigh i dtaispeántais bheo, ceardlanna, agus comhshaothair chruthaitheacha. Idir aonréada agus grúpthaibhithe scoile agus bannaí óga atá ag teacht chun cinn, bíonn fuinneamh, samhlaíocht, agus muintearas as cuimse i gceist le gach seó– agus iad go léir nasctha trí chraoladh beo ar líne ar fud na tíre chun oirfidigh óga ón uile chearn d’Éirinn a aontú.
Glac Páirt sa Ghluaiseacht
Is féidir le ceoltóirí óga idir 12–19 mbliana d’aois ar mhaith leo a bheith mar chuid de Garageland Galaxyz ag Cruinniú na nÓg 2026 ríomhphost a sheoladh chuig info@garageland.ie leis an ábhar “YES GALAXYZ 26” chun tuilleadh a fhoghlaim faoi pháirt a ghlacadh agus chun dul leis an ngluaiseacht atá ag athmhúnlú thírdhreach ceoil óige na hÉireann.
Ionad: Ionad Cultúir Swift, Baile Átha Troim
Am: 12pm – 5:30pm
Beidh ceardlanna ar siúl freisin an 9 Bealtaine san ionad céanna chun níos mó rannpháirtíochta a chumasú, mar aon le am do na hoirfidigh óga dlúthchaidreamh a dhéanamh roimh an ‘lá mór’.
Lego leis an Brickx Club – Tabhair d’inneall eitilte féin chun beatha! Foghlaim conas é a dhearadh, é a thógáil agus ansin do dhéantús a thástáil agus a fheabhsú ar ár ziplíne!
Damhsa Afraiceach– Bí ag Bogadh, Déan tú féin a Chur in Iúl agus Bí ag Ceiliúradh Cultúir! Bí le Go Dance For Change le haghaidh Damhsa Afraiceach fuinniúil spreagúil. Cuirfidh rannpháirtithe eolas ar chéimeanna damhsa bríomhara atá faoi anáil na hAfraice trí rithim, gluaiseacht, agus cruthaitheacht i dtimpeallacht spraíúil ionchuimsitheach.
Cruinniú @Féile na Gealaí, Ráth Chairn
Eachtra draíochta le Quentin Reynolds!
Bí réidh le haghaidh eachtra draíochta le Quentin Reynolds, ball bródúil den Chiorcal Draíochta Inmhéanach le Réalta Óir! Tugann Quentin leis meascán den rúndiamhair, gáire agus amanna iontacha agus beidh lucht féachana de gach aois faoi dhraíocht aige.
Seó 1: Draíocht & Ruaille Buaille!
Tá an seó bríomhar seo, atá iontach oiriúnach do leanaí níos óige (3-7 mbliana d’aois), lán le draíocht iontach, rógairí de phuipéid agus cuir mhaith scigireachta. Beidh iontas ort de réir mar a tharlaíonn rudaí dodhéanta os comhair do dhá shúil agus ná bíodh ionadh ort má thugtar cuireadh duit teacht aníos chun cuidiú leis an draíocht.
Seó 2: Draíocht Dochreidte! (8-12 bhliain d’aois)
Tum thú féin i ndomhan rúndiamhra ag an seó fíorspéisiúil seo atá ceaptha go speisialta do leanaí níos sine. Léireoidh Quentin seachmaill iontacha agus cleasa dochreidte léimh intinne…nó an draíocht atá ann? Coinnigh do ghuaim ort féin. B’fhéidir go bhfaighfidh tú amach gur féidir leis d’intinnse féin a léamh fiú!
Oiriúnach do theaghlaigh. Ní mór do leanaí a bheith i dteannta tuismitheora nó caomhnóra fad a bheidh seó 1 ar siúl.
Níl aon ghá áirithint a dhéanamh.
Ionad: Leabharlann Ráth Chairn
Seó 1 – 3–7 mbliana d’aois: 10am -10:40am
Seó 2 – 8–12 bhliain d’aois: 11am – 11:40am
https://www.meath.ie/council/events/cruinniu-na-nog-2026-cruinniu-ag-feile-na-gealai
Maidin Spraíúil de Dhráma Sorcais!
Cas linn taobh amuigh de leabharlann Ráth Chairn le haghaidh maidin spraíúil de dhráma sorcais! Foghlaim cleasa faiseanta ar nós cleasa gleacaíochta, húlahúpála agus cothromaíochta, agus tú ag gáire i rith an ama. Níl aon taithí ag teastáil – tabhair leat do chuid fuinnimh agus fiosrachta. Beidh an oiread sin spraoi agat, ní bheidh tú ag iarraidh go dtiocfadh deireadh leis!
Níl aon ghá áirithint a dhéanamh.
Ionad: Leabharlann Ráth Chairn
Am: 10am – 12pm
https://www.meath.ie/council/events/cruinniu-na-nog-2026-cruinniu-ag-feile-na-gealai-0
Fág freagra ar 'GNÉ-ALT FÓGRAÍOCHTA: Cruinniú na nÓg – Contae na Mí & Cruinniú @ Féile na Gealaí, Ráth Chairn'