Tá an té atá ina cheann feadhna ar Ambasáid Stáit Aontaithe Mheiriceá in Éirinn, Reece Smyth, ar cuairt faoi láthair ar Ghaeltacht Chonamara.
Tá an Chargé d’Affaires in ambasáid Mheiriceá i mBaile Átha Cliath ar cuairt ar Chonamara le cúpla lá anuas agus thug sé cuairt inniu ar Pháirc na Mara, an pháirc eolaíochta mara nua atá á forbairt ag Údarás na Gaeltachta i gCill Chiaráin, agus ar thigh an Phiarsaigh i Ros Muc. Bhuail sé chomh maith le scoláirí ó Scoil Bhriocáin nuair a bhí sé i Ros Muc inniu.
Fuair Smyth deis tráthnóna inné ligean air féin go raibh sé ag tuar na haimsire agus ag léamh na nuachta ar TG4 nuair a thug sé cuairt ar an stáisiún Gaeilge i mBaile na hAbhann.
Is mise an léiritheoir @AimsirTG4 nua! pic.twitter.com/RRCLx10RuP
— Reece Smyth (@USAmbIreland) January 18, 2018
Spent the evening touring @TG4’s HQ in Connemara. Great insight into the workings of an Irish language TV station. Go raibh maith agaibh! pic.twitter.com/5dwIzpqiSO
— Reece Smyth (@USAmbIreland) January 18, 2018
Níl aon ambasadóir chun na hÉireann ag Stáit Aontaithe Mheiriceá ó d’éirigh Kevin O’Malley as ag deireadh thréimhse Barack Obama mar uachtarán.
Tá cáineadh géar déanta ar an Uachtarán Donald Trump toisc nár cheap sé comharba O’Malley go fóill.
Is é Reece Smyth, an Chargé d’Affaires in ambasáid Mheiriceá, a bheidh i mbun chúraimí an ambasadóra i mBaile Átha Cliath go dtí go gceapfar ambasadóir.
Fág freagra ar 'Láithreoir aimsire agus nuachta nua ag TG4 – ceannasaí ambasáid Mheiriceá in Éirinn!'