Tá Féile na bPuiteachaí ag dul ó neart go neart mar ba léir ón slua mór a d'fhreastail uirthi in n Inis Meáin le déanaí. Tá bia eile curtha leis an bhféile a bhunaigh Aedín Ní Thiarnaigh - an fata fónta féiltiúil. Pictiúir: Seán Ó Mainnín
Tionóladh Scoil Samhraidh an Phiarsaigh in Ionad Cultúrtha an Phiarsaigh i Ros Muc an tseachtain seo caite. Pléadh logainmneacha, cúrsaí gnó, banríon Alaska as Ros Muc, an saol in Éirinn tar éis Chonradh 1921 chomh maith le ceardlann suaimhneas intinne a bheith ar fáil. Pictiúir: Seán Ó Mainnín
An mileoidean, a spreag lucht freastail chuig an ócáid, 'Dá mBeadh Mileoidean Agamsa' i Seanscoil Sailearna, Indreabhán, le linn na hOíche Cultúir le déanaí. Bhí máistrí na huirlise, Micheál Darby Ó Fátharta, Johnny Ó Connolly, Diarmuid Ó Meachair agus Brian McGrath ansin i measc ceoltóirí breátha óga. Ealaín na Gaeltachta a mhaoinigh an oíche. Pictiúir: Iain McDonald
In Amharclann na Taibhdheirce sa Ghaillimh an tseachtain seo, bronnadh gradaim foilsitheoireachta an OIreachtais ar Éablóid, Dún na nGall; Dingle Publishing, Ciarraí agus Futa Fata i gConamara. Pictiúír: Seán Ó Mainnín
Bhí Inis Meáin lán le healaíontóirí an deireadh seachtaine seo thart agus filí, amhránaithe agus ceoltóirí cruinnithe ag Éigse Dara Beag in ómós agus i gcuimhne Dhara Beag Ó Fátharta, iascaire agus file a tharraing cáil ar a cheantar dúchais. Pictiúir: Seán Ó Mainnín
Bhí Féile an tSrutháin ag an deireadh seachtaine seo caite ar cheann de na cruinnithe bád ba bhreátha i mbliana ó thaobh aimsire, atmaisféir is eagraithe. Bhí seolta, maidí rámha, ceol is comhluadar sa Sruthán agus óg is aosta ó chian is ó chóngar ag baint fíorshásaimh as an lá. Pictiúir: Seán Ó Mainnín
Ní raibh aon tarraingt na gcos i measc na n-óg agus iad ag tógáil a gcéad chéim scolaíochta i Scoil Mhic Dara, An Cheathrú Rua, Conamara ar maidin. Ní hionadh sin agus tacaíocht mhór a muintire acu. Pictiúir: Seán Ó Mainnín
Fadhb ar bith ní raibh ag páistí Scoil Sailearna, Indreabhán, Conamara agus iad ag caitheamh a gcéad lá sa scoil. Pictiúir: Seán Ó Mainnín
Ainneoin go bhfuair siad a gcuid torthaí ar líne ar maidin bhailigh go leor scoláirí Ardteiste le chéile ina scoileanna le labhairt lena múinteoirí. Pictiúir ó Scoil Chuimsitheach Chiaráin, An Cheathrú Rua, Conamara le Seán Ó Mainnín. Pictiúir ó Choláiste na Coiribe le Iain McDonald. Ár mbuíochas leis na scoileanna a sheol pictiúír chugainn
Ar bhóthrín na gcuimhní a shiúil roinnt ban an Satharn seo caite agus iad in éadach a seanmháithreacha thíos ag Caladh Ghólaim, Leitir Mealláin, Conamara, agus iad ag fanacht, mar a dheintí fadó, ar ghabháil éisc na bhfear. Comóradh a bhí in Ionad OIdhreachta Leitir Mealláin agus Gharumna ar an mbád 'An Brig St John' a cailleadh in 1849 agus paisinéirí ó Chonamara agus tuaisceart an Chláir ar bord agus iad ag teitheadh ó anachain an drochshaoil. Pictiúir: Seán Ó Mainnín/Tuairisc
