Seoladh cartlann mhór grianghraf le Gael Linn le déanaí. Seán Ó Ceallaigh, iarbhainisteoir le Gael Linn a chuir an chartlann le chéile. Seo blaiseadh de na grianghraif atá inti. Pictiúir ón seoladh: Seán Ó Mainnín
Bhí Amharclann Ghaoth Dobhair lán go doras le déanaí le múinteoirí agus daltaí ó os cionn 36 scoil a fuair aitheantas mar scoileanna Gaeltachta ón Roinn Oideachais. Bronnadh an stádas Gaeltachta ar na scoileanna a cháiligh dó faoi scéim aitheantais an Pholasaí Oideachais don Ghaeltacht Pictiúir: Seán Ó Mainnín
Bhí lá mór ag os cionn dhá scór scoil i gcontaetha na Gaillimhe agus na Mí nuair a bhronn an Roinn OIdeachais aitheantas Scoil Gaeltachta orthu in Óstán Chois Fharraige sna Forbacha le déanaí. Tá an t-aitheantas tugtha do na scoileanna a cháiligh dó faoi scéim aitheantais an Pholasaí Oideachais don Ghaeltacht Pictiúir: Seán Ó Mainnín
Bhí scléip, ceol is comhluadar ag Oireachtas na Gaeilge 2024 i gCill Airne. Ach rinne grianghrafadóir Tuairisc, Seán Ó Mainnín, taifead ar chúrsaí lena cheamara.
Ba é Aire Stáit na Gaeltachta a sheol Féile an OIreachtais 2024 in Amharclann an Oireachtais in Óstán an Brehon i gCill Airne inné. Ina diaidh sin bhronn sé duaiseanna litríochta an Oireachtais PIctiúír: Seán Ó Mainnín/Tuairisc
Foireann na Ceathrún Rua curaidh shóisir na Gaillimhe tar éis dóibh an lámh in uachtar a fháil ar fhoireann Chill Fhir Iarainn i Staid Thuama sa mbáisteach Dé Domhnaigh. Pictiúir: Seán Ó Mainnín
Ba é ghlór Joe Steve Ó Neachtain, scríbhneoir agus laoch Chois Fharraige, a d'fháiltigh roimh Fhéile an Oireachtais go Conamara 50 bliain ó shin agus taifead dá ghlór a d'fháiltigh roimh cheolchoirm speisialta ina cuimhne i Seanscoil Sailearna, Indreabhán, Conamara an Domhnach seo caite. Pictiúir: Seán Ó Mainnín
Bhain slua breá sult as aiséirí Cheolchoirm Mhór Gharraí Glas sna Creagáin in Indreabhán le gairid. Is é an garraíodóir agus saineolaí glasraí Aonghus Johnny Chóil Mhaidhc Ó Coisdealbha a d'eagraigh. Ar na ceoltóirí bhí Breanndán Ó Beaglaoich, Rónán Ó Snodaigh, Aidan Connolly, Pádraic Keane, Rose Morrison agus Úna Ní Fhlannagáin. Pictiúir: Seán Ó Mainnín
D'fhreastail na céadta múinteoirí, príomhoidí agus daltaí ó scoileanna i gCiarraí, Corcaigh agus Port Láirge ar ócaid i Siamsa Tíre i dTrá Lí le déanaí, áit ar bhronn an Roinn Oideachais aitheantas Gaeltachta orthu faoin bpolasaí oideachais don Ghaeltacht. Pictiúír: Seán Ó Mainnín
Bhí slua maith mór de chairde agus gaolta Mhike Mhic Dhomhnaill i láthair nuair a seoladh a leabhar nua 'Agus anois - Beagáinín Ciúnais' sa gCaisleán Nua ag Éigse Michael Hartnett. Cló Iar-Chonnacht a d'fhoilsigh. Pictiúir: Seán Ó Mainnín
