Sheol an tOllamh Alan Titley eagrán 13 de An Reiviú in Áras na Gaeilge, Ollscoil na Gaillimhe ale déanaí, Tá suas le scór go leith aiste in eagrán na bliana seo, aistí a phléann le teagasc agus litríocht na Gaeilge, an phleanáil teanga, an teangeolaíocht agus an tsochtheangeolaíocht i measc rudaí eile. Pictiúir: Seán Ó Mainnín
An t-imreoir rugbaí clúiteach Bundee Aki a sheol an rás Inis Iron Meáin le déanaí agus bhí neart réaltaí eile ann, ina measc na lúthchleasaithe Oilimpeacha Sonia O'Sullivan agus Rob Heffernan. Pictiúir: Seán Ó Mainnín
Bhí damhsóirí óga Scoil Rince Ré Órga as Conamara, arb as Carna, Ros Muc, Ceantar na nOileán agus Uachtar Ard iad, fíorshásta páirt a ghlacadh den chéad uair in Oireachtas Rince na Cruinne a reáchtáladh le déanaí in Ionad an Comhdhála, Baile Átha Cliath. An Coimisiún le Rincí Gaelacha a d'eagraigh an ócáid a mheallann na céadta damhsóir ó thíortha i bhfad is i gcéin. Pictiúir: Seán Ó Mainnín
Tháinig scoláirí agus múinteoirí de chuid Bhoird Oideachais agus Oiliúna Éireann le chéile den chéad uair le déanaí i mBaile Átha Luain chun ceiliúradh a dhéanamh ar an oideachas ionchuimsitheach trí Ghaeilge. Thug na scoláirí ar fad a gcur i láthair féin ag léiriú cur chuige a scoileanna maidir le cleachtais chuimsitheacha. Pictiúir: Seán Ó Mainnín
Roinn An Foras Pátrúnachta comhairle faoin ngaeloideachas chomh maith le heolas faoin teicneolaíocht agus na háiseanna tacaíochta is déanaí le príomhoidí is bainisteoirí scoile ag comhdháil in Óstán Caisleán Dhún Búinne, Co na Mí, le déanaí. Pictiúir: Seán Ó Mainnín
Bhí an Taibhdhearc lán le déanaí do cheiliúradh a rinne na foilsitheoirí Cló Iar-Chonnacht ar dhá scór bliain ar an bhfód. Le linn Cúirt, Féile Idirnáisiúnta Litríochta, atá ag ceiliúradh 40 bliain i mbliana chomh maith, a bhí an ócáid ar siúl. Pictiúir: Seán Ó Mainnín
Bhí dhá chúís cheiliúrtha ag Feachtas, Óg-Ghluaiseacht Gaeilge, le déanaí. Rinneadh Comóradh 45 bliain dar an eagras teanga chomh maith le Craobhchomórtas Thráth na gCeist d'iarbhunscoileanna na tíre a reáchtáil. Pictiúir:Jim Berkeley
Bhí paráid an-mhór ar an gCeathrú Rua inniu do Lá Fhéile Pádraig. Os cionn 40 flóta a bhí páirteach, an líon is mó riamh, síltear Pictiúir: Seán Ó Mainnín/Tuairisc
Bhí lúcháir mhór ar dhaltaí Scoil Mhic Dara Dé hAoine seo caite nuair a thug a laochra, seaimpíní na hÉireann, foireann shóisir peile na Ceathrún Rua, cuairt orthu. Bhronn Tuairisc póstaer cuimhneacháin ar gach páiste. Pictiúir: Seán Ó Mainnín/Tuairisc
Bhí féasta imeachtaí ar siúl ag Féile Rua ar an gCeathrú Rua le deireanaí. Mheall stair, béaloideas, ceardaíocht, cniotáil, ceol, craic, comhrá is steipeanna muintir an bhaile ag na hócáidí ar fad. Pictiúir: Seán Ó Mainnín
