Bhí sé níos éasca ná riamh cheana na gráid is airde a fháil i scrúdú ardleibhéil Gaeilge Ardteiste na bliana seo.
De réir na staitisticí is déanaí, d’éirigh le 15.4% an marc is airde a fháil i scrúdú ardleibhéil Gaeilge na hArdteiste 2023, nach mór duine as gach seisear a thug faoin scrúdú.
7.4% de dhaltaí a fuair grád H1 sa Bhéarla agus 10.9% a fuair an grád sin sa Mhatamaitic.
6.1% a fuair grád H1 sa Ghaeilge in 2019, an bhliain roimh thús na paindéime. Fágann sin go bhfuil ardú os cionn 150% tagtha le cúig bliana anuas ar líon na ndaltaí a fhaigheann an grád is airde sa Ghaeilge.
D’éirigh le breis is 37% díobh siúd a rinne an scrúdú ardleibhéil Gaeilge i mbliana H1 nó H2 a fháil (marc 80% nó níos airde). 25% de dhaltaí a fuair an dá ghrád is airde sa Bhéarla agus 28% a bhí i gceist sa Mhatamaitic.
Fuair 61% de dhaltaí a rinne an scrúdú ardleibhéil Gaeilge H1, H2 nó H3 (70% nó níos mó sa scrúdú). 54% de dhaltaí a fuair na trí ghrád is airde sa Bhéarla agus 50% a bhí i gceist sa Mhatamaitic.
Den 22,852 dalta a rinne an scrúdú ardleibhéil Gaeilge mí an Mheithimh seo caite, d’éirigh le 82.3% acu nó breis is ceathrar as gach cúigear grád H4 nó níos airde a bhaint amach. Grád H4 (marc 60% nó níos mó) a theastaíonn sa scrúdú ardleibhéil Gaeilge le cáiliú chun céim sa bhunmhúinteoireacht a dhéanamh.
In 2019, 69.1% de dhaltaí a fuair H4 nó níos airde sa scrúdú ardleibhéil Gaeilge, rud a chiallaíonn go bhfuil ardú beagnach 20% tagtha le cúig bliana anuas ar líon na ndaltaí a bhíonn incháilithe sa Ghaeilge do chúrsa bunmhúinteoireachta.
Díreach 0.1% de dhaltaí a fuair níos lú ná 30% sa scrúdú ardleibhéil Gaeilge i mbliana, laghdú ar ráta teipthe na bliana seo caite, 0.2%.
Rinne an Coimisiún um Scrúduithe Stáit coigeartú i ndiaidh na marcála ar thorthaí scrúduithe na bliana seo chun a chinntiú go mbeadh na gráid i gcomhréir le gráid na bliana seo caite.
Ardaíodh torthaí na bliana seo níos mó ná mar a ardaíodh cinn na bliana seo caite, áfach.
Ardaíodh na marcanna 7.9% ar an meán i mbliana, i gcomparáid le 5.6% anuraidh. Tháinig ardú ar 71% de na torthaí ar fad a bronnadh i mbliana dá bharr, i gcomparáid le hardú ar 50% de na torthaí anuraidh.
Tá líon na ndaltaí a fhaigheann na marcanna is airde sa Ghaeilge méadaithe níos mó ná mar atá sna croí-ábhair eile, áfach, patrún a bhí tosaithe roimh an bpaindéim.
| H1 | H2 | H3 | H4 | |
|---|---|---|---|---|
| 2023 | ||||
| Gaeilge | 15.4 | 21.9 | 23.8 | 21.2 |
| Béarla | 7.4 | 17.8 | 29 | 27.7 |
| Matamaitic | 10.9 | 16.7 | 21.9 | 23.1 |
| 2019 | ||||
| Gaeilge | 6.1 | 17.7 | 22.3 | 23.0 |
| Béarla | 3.0 | 10.1 | 20.5 | 27.5 |
| Matamaitic | 6.4 | 11.2 | 17.1 | 22.5 |
Torthaí Gaeilge na hArdteiste
| GAEILGE (Ardleibhéal) | |||||||||
|---|---|---|---|---|---|---|---|---|---|
| Bliain | Iomlán | 1 | 2 | 3 | 4 | 5 | 6 | 7 | 8 |
| 2023 | 23899 | 15.4 | 21.9 | 23.8 | 21.2 | 12.9 | 4.1 | 0.7 | 0.1 |
| 2022 | 24441 | 12.7 | 21.0 | 23.8 | 21.9 | 14.4 | 5.2 | 0.9 | 0.2 |
| 2021 | 25596 | 11.9 | 21.9 | 27.5 | 22.7 | 11.2 | 3.4 | 0.6 | 0.8 |
| 2020 | 24725 | 9.1 | 19.8 | 27.1 | 24.6 | 13.7 | 4.8 | 0.7 | 0.2 |
| 2019 | 23176 | 6.1 | 17.7 | 22.3 | 23.0 | 18.2 | 9.5 | 2.8 | 0.4 |
| GAEILGE (Bonnleibhéal) | |||||||||
| Bliain | Iomlán | 1 | 2 | 3 | 4 | 5 | 6 | 7 | 8 |
| 2023 | 2408 | 4.2 | 12.7 | 21.1 | 24.0 | 19.0 | 11.7 | 5.8 | 1.5 |
| 2022 | 1933 | 3.4 | 13.0 | 22.6 | 24.9 | 17.0 | 11.9 | 5.5 | 1.7 |
| 2021 | 1074 | 8.8 | 16.5 | 22.5 | 20.9 | 14.4 | 11.6 | 1.7 | 3.4 |
| 2020 | 1462 | 5.9 | 17.6 | 25.5 | 23.1 | 16.0 | 10.4 | 0.4 | 1.0 |
| 2019 | 2834 | 1.9 | 11.8 | 19.9 | 24.5 | 20.9 | 12.0 | 6.2 | 2.9 |
| GAEILGE (Gnáthleibhéal) | |||||||||
| Bliain | Iomlán | 1 | 2 | 3 | 4 | 5 | 6 | 7 | 8 |
| 2023 | 22852 | 2.3 | 13.5 | 24.6 | 25.4 | 18.3 | 9.7 | 4.3 | 1.8 |
| 2022 | 23520 | 1.0 | 10.6 | 26.3 | 28.9 | 19.3 | 8.7 | 3.4 | 1.9 |
| 2021 | 23301 | 3.0 | 11.0 | 22.1 | 26.3 | 21.1 | 12.3 | 2.6 | 1.6 |
| 2020 | 23546 | 1.9 | 8.9 | 19.6 | 26.3 | 23.2 | 15.3 | 3.4 | 1.4 |
| 2019 | 22323 | 0.3 | 5.2 | 18.6 | 26.2 | 25.0 | 15.7 | 6.3 | 2.7 |
Mícheál Ó Flaithearta
Insíonn an méid sin a scéal féin.
jpmorley0@gmail.com
Seafóid ar fad. Táid ag cacadh ar na huibhe le fada an lá anois.