Ról
Tá Cúntóir Oifige (faoi oiliúint), ról páirtaimseartha, á earcú ag COMHAR, príomhfhoilsitheoir náisiúnta na Gaeilge.
Beidh an té a cheapfar faoi oiliúint, ag plé le gnéithe riaracháin, poiblíochta agus foilsitheoireachta ar thograí éagsúla COMHAR – an iris mhíosúil Comhar agus LeabhairCOMHAR go príomha. Conradh páirtaimseartha 12 mhí (ag tosú tús mhí an Mheithimh 2026) atá á thairiscint. Is féidir go gcuirfí síneadh leis ag deireadh na tréimhse sin.
Folúntas
1 x Post Páirtaimseartha (2 lá/seachtain)
Tá oifig COMHAR lonnaithe ar Shráid Harrington, BÁC 8. Is gá don té a cheapfar a bheith i láthair san oifig gach seachtain.
Tuarastal
€31,495 pro-rata (Pointe 1, Grád: Oifigeach Cléireachais)
Is post faoi oiliúint é seo. Cuirfear deiseanna fiúntacha oiliúna ar fáil don té a cheapfar.
Iarratais
Spriocdháta: meán lae, Dé hAoine, 10 Aibreán 2026
Reáchtálfar agallaimh i mBaile Átha Cliath, Déardaoin, 23 Aibreán 2026.
Tuilleadh eolais faoin bpost ar fáil sa Sainchuntas Poist.
Is é COMHAR príomhfhoilsitheoir náisiúnta na Gaeilge.
