Tá Josie Sheáin Jeaic Mac Donncha as Carna, duine de mhóramhránaithe sean-nóis na hÉireann, tar éis bháis.
Ba as an Aird Thiar do Josie Sheáin Jeaic a bhí áirithe ar na hamhránaithe sean-nóis ab oilte riamh. Iascaire ab ea é agus saineolaí ní hamháin ar an dtraidisiúin amhránaíochta ach ar gach gné d’oidhreacht, de sheanchas agus de stair a cheantair dhúchais Gaeltachta.
Bhuaigh sé Corn Uí Riada, príomhghradam an tsean-nóis trí bhabhta – i 1971, 1978 agus 1982
Thug sé turais ar Albain mar chuid de Chuairt na bhFilí agus ar Shasana le Comhaltas Ceoltóirí Éireann agus i 1976 bhí sé ar dhuine de bhuíon ceoltóirí Éireannacha a thug turas ar an Libia.
Ceapadh ina amhránaí cónaithe é in Ionad an Léinn Éireannaigh in Ollscoil na hÉireann, Gaillimh in 2003-2004 agus bhronn an Ollscoil chéanna máistreacht oinigh air in 2012.
Dúirt an Dr Lillis Ó Laoire an uair sin gur “justly recognised master of the sean-nós tradition” é Josie Sheáin Jeaic agus luaigh an saineolaí ceann de na saintréithe ag an amhránaí: “an intense mesmeric involvement with the texts and the music of his songs”.
Is measc na mórshaothar a rinne Josie Sheáin Jeaic tá Josie Sheáin Jeaic (Cinq Planets, 2000) agus Ó na Sceirdí Aniar (Gael Linn, 1987).
Aoife Ní Oistín
Fear uasal, álainn. Ar dheis Dé go raibh a anam.
Seosamh Ó Cuaig
Fear cumasach a raibh ómós mór dhó. D’inseodh sé an fhírinne dhuit i gcónaí, taitníodh sé leat nó ná taitníodh.
Íte Ní Chionnaith
Duine álainn agus amhránaí álainn. Suaimhneas síorraí dó.
maitiu
Oisin i ndiaidh na Feinne.