Bhí sé ina scaoil amach mo mhullach ann a déarfaí faoi áit a mbeadh gleo, clampar, círéib, racán.
D’fhéadfaí a rá freisin go raibh daoine ag dul i mullaí a chéile.
Cath na bpunann ceart a bheadh ann.
Bheadh daoine ag dul i bpíobán a chéile nuair a d’éireodh an siúite níos géire. Chuaigh sé sa bpíobán aige a déarfaí faoi fhear a raibh greim scóige aige ar fhear eile agus fonn air é a thachtadh.
Focal eile a d’fhéadfaí a úsáid is ea reicstí: bhí sé ina reicstí ann.
Níl áit ar bith dá dtéann sé nach dtarraingíonn sé reicstí an cháil a thabharfaí ar fhear trodach, achrannach.
Bhí sé ina scaoil amach mo mhullach ann. Nach deas é?
puililiú!
Beidh bearád ar iarraidh!
marcus
liútar-éatar
Seosamh Ó Cuaig
Beidh bairéid ar iarraidh atá sa bhfoclóir. Leagan eile: beidh fuil ar smuit agus mailí gearrtha.
tom
Déanfaimid sraitheanna díobh. (An freasúra/an namhaid). Tabharfaimid leath-mharú orthu. Tabharfaimid burdáil/greadadh/stánáil/leadradh dóibh. Lascálfaimid an cac astu. Ní fhágfaimid thíos ná thuas orthu é. Mura mbuaifeam suaithfeam!