GNÉ-ALT FÓGRAÍOCHTA: Deontais Chomhairle Contae Loch Garman do Chiste na Séadchomharthaí Pobail 2026 don Oidhreacht Thógtha Seandálaíochta

Bunaíodh Ciste na Séadchomharthaí Pobail i dtosach sa bhliain 2020 chun infheistíocht a dhéanamh in oidhreacht seandálaíochta na hÉireann. Leis an maoiniú, tugtar tús áite d’údaráis áitiúla, úinéirí agus caomhnóirí príobháideacha agus grúpaí pobail do chúram, caomhnú, cothabháil, cosaint agus cur chun cinn séadchomharthaí seandálaíochta.

Trí Chiste na Séadchomharthaí Pobail, cuirtear maoiniú ar fáil do thionscadail maidir le:

• Séadchomharthaí Seandálaíochta a áirítear ar Thaifead na Séadchomharthaí agus na nÁiteanna faoin Acht na Séadchomharthaí Náisiúnta, 1930 (arna leasú).
• Séadchomharthaí Seandálaíochta a shainaithnítear i dTaifead na Láithreán agus na Séadchomharthaí, arna chur i dtoll a chéile ag Seirbhís na Séadchomharthaí Náisiúnta.

Tá 3 Shruth i gceist:

Faoi Shruth 1, cuirfear deontais ar fáil suas go €100,000 atá dírithe ar dheisiúcháin agus oibreacha caipitil riachtanacha do chaomhnú agus deisiú séadchomharthaí seandálaíochta.

Faoi Shruth 2, cuirfear deontais ar fáil suas go €30,000 chun Pleananna Bainistithe/Tuarascála Caomhnaithe a fhorbairt atá dírithe ar bhearta a shainaithint chun séadchomharthaí seandálaíochta a chaomhnú agus rochtain phoiblí a fheabhsú.

Faoi Shruth 3, cuirfear deontais ar fáil suas go €30,000 chun bonneagair rochtana agus ateangaireachta (lena n-áirítear ateangaireacht fhíorúil/ar líne) a fheabhsú ag séadchomharthaí seandálaíochta.

Ba cheart d’iarratasóirí príobháideacha agus/nó grúpaí pobail ar úinéirí nó caomhnóirí séadchomharthaí seandálaíochta iad i gContae Loch Garman ar mian leo iarratas a dhéanamh iarratas a chur faoi bhráid na Rannóige Oidhreachta, an Roinn Pleanála, Comhairle Contae Loch Garman, an Charraig Leathan, Loch Garman faoin Aoine, an 30 Eanáir 2026.

Tá tuilleadh eolais agus foirmeacha iarratais don scéim seo ar fáil ar shuíomh gréasáin Chomhairle Contae Loch Garman ar Deontais d’Oidhreacht Thógtha Seandálaíochta | Comhairle Contae Loch Garman, nó ón Rannóg Pleanála, cuir glaoch ar 053-9196137 nó seol ríomhphost chuig heritage@wexfordcoco.ie.