CLUASTUISCINT: An Roinn Oideachais le beirt daltaí ó gach iarbhunscoil sa tír a chur chun na Gaeltachta

Gníomhaíocht 1 – Réamheolas

• Ar ball beidh tú ag éisteacht le mír faoi dhaltaí scoile agus an Ghaeltacht.
• Cad a bheidh ann, dar leat?
• Seo cuid den teideal: An Roinn Oideachais….beirt daltaí….na Gaeltachta

Gníomhaíocht 2 – An Chéad Éisteacht

• Éist leis an mír ina hiomláine uair amháin.
• Déan iarracht príomhphointe an téacs a roinnt le do pháirtí ó bhéal.

Gníomhaíocht 3 – An Dara agus Tríú hÉisteacht

1. Cé a d’fhógair go mbeadh daltaí á gcur chun na Gaeltachta?
2. Cé mhéad dalta ó gach iarbhunscoil a bheidh páirteach sa chlár?
3. Cén fáth a luaitear an figiúr €1m?
4. Meas tú cad atá i gceist leis an bhfrása “eispéireas tumtha teanga sa Ghaeltacht?”
5. Cad iad na scileanna a fhorbróidh na daltaí le linn a dtréimhse sa Ghaeltacht?
6. Cén fáth a luaitear Coláistí Samhraidh?
7. Seo an líne dheireanach. An bhfuil tú in ann é scríobh amach san ord ceart?

sa scoilbhliain 2027/28.

trátha ach tá súil go gcuirfear

Dúradh go bhfuil sonraí an

tionscnaimh fós á bhforbairt agus

go roinnfear tuilleadh eolais in am

tús le cur i bhfeidhm an chláir

Gníomhaíocht 4 – Deachtú

• Éist leis an gcéad trí abairt arís agus déan iarracht na príomhfhocail a scríobh síos.
• Cuir an méid atá scríofa i gcomparáid leis an méid atá scríofa ag do pháirtí. I mbeirteanna déanaigí iarracht na trí abairt a scríobh.
• Éistigí leis na habairtí arís más gá.
• Beidh sibh in ann an méid atá scríofa agaibh a chur i gcomparáid leis an leagan bunaidh ar ball.

Gníomhaíocht 5 – Aimsigh agus Cuardaigh

• Éist leis an gcéad líne arís. Aimsigh aidiacht bhriathartha agus ainmfhocal sa tuiseal ginideach uatha.
• An bhfuil aon fhocal/frása a chuala tú nach dtuigeann tú? Déan iad a chuardach ar focloir.ie agus www.teanglann.ie.

Gníomhaíocht 6 – Cur in ord

• Seo thíos an chéad phíosa eile den alt.
• Ag obair le do pháirtí déan iarracht é a chur in ord.
• Tabhair réasúnaíocht cén fáth a bhfuil siad san ord sin.
• Beidh sibh in ann an freagra a sheiceáil ar ball.
  1. an buiséad is mó riamh atá faighte ag an Roinn.
  2. Ba é an €1 milliún do Chlár Laochra Teanga na Gaeltachta an t-aon bheartas nua a raibh
  3. an Ghaeilge luaite go sonrach leis. Tá €21 milliún de mhaoiniú breise
  4. le cur i dtreo forbairt curaclaim agus oiliúint múinteoirí mar chuid d’athfhorbairt
  5. na sraithe sinsearaí, curaclam na bunscoile agus oideachas
  6. Dúirt an tAire Oideachais Hildegarde
  7. Naughton chomh maith go gcuirfí tacaíocht ar fáil do scoileanna atá ag iarraidh dul i dtreo an oideachais lán-Ghaeilge.
  8. Fógraíodh go mbeidh buiséad €14.4 billiún
  9. ag an Roinn Oideachais agus Óige in 2027,

Gníomhaíocht 7 – An leagan bunaidh

• Seo an nasc chuig an leagan iomlán den scéal.
• Féach siar ar a bhfuil déanta agaibh i nGníomhaíocht 6.
• Déan an t-alt a léamh tú féin. Ansin déanaigí é a léamh os ard ina mbeirteanna.