‘I’m bored with the leithscéalta’ – blas milis á fháil ag daoine ar scannán nua faoin nGaeilge

Roxanna Nic Liam a rinne ‘Siúcra’, scannán ina gcuireann sí in iúl an grá atá aici don Ghaeilge agus an imní atá uirthi faoina bhfuil i ndán di

‘I’m bored with the leithscéalta’ – blas milis á fháil ag daoine ar scannán nua faoin nGaeilge

Tá an fear grinn iomráiteach Dara Ó Briain i measc na ndaoine a bhfuil blas breá á fháil acu ar Siúcra, gearrscannán nua faoin nGaeilge atá déanta ag aisteoir óg as Baile Átha Cliath.

Roxanna Nic Liam a rinne an scannán ina gcuireann sí in iúl an grá atá aici don Ghaeilge.

Amharclann an Axis i mBaile Munna a choimisiúnaigh an scannán a stiúir Cathal Mac an Bheatha.

Mheas Dara Ó Briain gur saothar “álainn” a bhí i Síucra, dán ómóis agus gairm chatha in éineacht.

Lón machnaimh a bhí sa scannán a dúirt an láithreoir de chuid TG4 Caitlín Nic Aoidh agus ‘cracker’ an breithiúnas gonta a bhí ag réalta Gaeltachta eile, Dáithí Ó Sé, air.

Craoladh an scannán den chéad uair an tseachtain seo ag seoladh Scríobh, féile Ghaeilge an Axis, agus tá sé ag dul i bhfeidhm go mór ar dhaoine ó shin.

Fág freagra ar '‘I’m bored with the leithscéalta’ – blas milis á fháil ag daoine ar scannán nua faoin nGaeilge'

  • Honor Clynes

    Maith thú, a Roxanna! Ar fheabhas ar fad! Honor Mhic Giolla Chlaoin

  • Eoghan Ó Néill

    Caithfidh mé a rá go bhfuil sise go hiontach, sár-jab déanta ar an bhfiseán sin a bhfuil an teachtaireacht ‘dein é’ ann. Caithfimid glacadh leis go n-amharcann an chuid is mó den phobal orthu féin mar Anglos agus drochmheas acu ar theanga ár sean seana-mhátharacha ach i gcroíthe cuid eile maireann an chuimhne!

  • Criostóir Ó Maonaigh, Melbourne, Na hAstráile

    Bhain seo an anáil asam! Más toradh amháin é seo ó ghlúin nua na gaelscoileanna i mBÁC tá todhchaí fos ann don Ghaeilge.

    Criostóir Ó Maonaigh
    An Astráil

  • Dáithí Mac Cárthaigh

    Mo cheol thú a Roxanna.

  • S. Mac Muirí

    Treise leat a Roxana. Molann an saothar thú.

  • Seán Fennell

    Tar go Béal Feirste, Doire, Ard Mhacha, An Omaigh, Iúr Cinn Trá, Gleann Gorm Laithr, Aontroim, Carn Tochair, Dún Geimhín……athbheochan pobalbhunaithe faoi lán seoil agus gaelscoileanna i lár an aonaigh, cnámh droma na hathbheochána…
    Maith sibh leis an fhíseán, cumhachtach agus mothúchanach.
    NÁ hABAIR É DÉAN É!!!!!