CLUASTUISCINT: Caithfidh ‘fís’ a bheith ag Roinn na Gaeltachta maidir le tithíocht do na glúnta atá le teacht

Gníomhaíocht 1 – Ceisteanna

1. Cé hiad an eagraíocht Bánú?
2. Céard atá an eagraíocht a lorg?
3. Cén fáth a luaitear ceannáras Roinn na Gaeltachta?
4. Cén bhaint atá ag Adhna Ní Bhraonáin leis an ngrúpa?
5. Luaigh rud amháin atá le rá aici.
6. Cé mhéad duine a bhí san agóid.
7. Cén fáth a luaitear Dara Calleary?
8. Déan an abairt thíos a chur san ord ceart.
   Caitheadh ag an Aire ó ceapadh súil siar dhéag atá déanta sa litir an bhliain gcéad dhá mhí seo caite é ar an

Gníomhaíocht 2 – Deachtóireacht

• Éist leis an gcéad trí abairt arís agus déan iarracht na príomhfhocail a scríobh síos.
• Cuir an méid atá scríofa i gcomparáid leis an méid atá scríofa ag do pháirtí. I mbeirteanna déanaigí iarracht na trí abairt a scríobh.
• Éist leis na habairtí arís más gá.
• Beidh sibh in ann an méid atá scríofa agaibh a chur i gcomparáid leis an leagan bunaidh ar ball.

Gníomhaíocht 3 – Aimsigh agus Cuardaigh

• Éist leis an gcéad abairt arís. Aimsigh sampla don tuiseal ginideach agus ainmfhocal baininscneach.
• An bhfuil aon fhocal/frása a chuala tú nach dtuigeann tú? Déan iad a chuardach ar focloir.ie agus www.teanglann.ie.

Gníomhaíocht 4 – Cur in ord

• Seo thíos an chéad phíosa eile den alt.
• Ag obair le do pháirtí déan iarracht é a chur in ord.
• Tabhair réasúnaíocht cén fáth a bhfuil siad san ord sin agat.
• Beidh sibh in ann an freagra a sheiceáil ar ball.
  1. nuair a moladh go bhféadfadh Údarás na Gaeltachta fochomhlacht tithíochta a bhunú agus aitheantas
  2. Mar chuid den agóid, bhí ‘tuairisc scoile’ déanta amach don Aire Gaeltachta ag Bánú dá chéad
  3. bhliain sa phost. Tugadh le fios sa tuairisc gur theip ar an Aire Calleary scéimeanna tithíochta
  4. a thabhairt isteach don Ghaeltacht, treoirlínte pleanála a aimsiú, maoiniú cuí a fháil
  5. AHB a fháil ón Roinn Tithíochta, cuireadh ina aghaidh sin, cé gur moladh a bhí ann a rinne an tAire
  6. Darragh O’Brien, nuair a bhí sé féin ina Aire Tithíochta,” a scríobhadh.
  7. don tithíocht Ghaeltachta, cumhachtaí breise a thabhairt don Údarás, agus toghcháin an Údaráis a thabhairt isteach.
  8. “Go deimhin, bhraitheamar go raibh do Roinnse ag iarraidh bac a chur roimh aon dul chun cinn. Mar shampla,

Gníomhaíocht 5 – An leagan bunaidh

• Seo an nasc chuig an leagan bunaidh.
• Féach siar ar a bhfuil déanta agaibh i nGníomhaíochtaí 2 agus 4.
• Déan an t-alt a léamh tú féin. Ansin déanaigí é a léamh os ard ina mbeirteanna.