Gradam Saoil 
Ray Darcy – as a chumas Gaeilgeoirí uile na tíre a aontú ar bhealach a chuir éad ar Juliain de Portaingéil.
Gradam Iontais na Bliana
Féasóg Iriail Uí Cheallaigh. Is beag féasóg eile ar domhan a bhfuil a chuntas Twitter féin aige
Gradam Bleachtaireachta na Bliana
Maitiú Ó Coimín ó Toorisky.ie a d’aimsigh trí thimpiste (trí thimpiste? – Eag) ‘porn’ as Gaeilge ar YouTube agus é i mbun taighde eile ar fad faoi logainmneacha Átha Cliath.
Gradam Athmhuintearais
Craobh RnaG den NUJ. Léirigh an diúltú do chraoltóirí nuachta Raidió na Life go bhfuil caighdeán nua eile bainte amach ag an meitheal bheag seo i gCasla agus gur dóigh go dtig leo dul níos faide fós ach an seans a fháil.
Léiritheoir Raidió na Bliana
Fachtna Ó Drisceoil: As an smacht seasta solúbtha a léiríonn sé ar Cormac (ag a cúig)
Clár Teilifíse na Bliana
The Angelus (RTÉ1): Ardchaighdeán laethúil, seasmhacht sa sceideal agus gan botún amháin Gaeilge ann.
Cainéal Teilifíse na Bliana
UTV Ireland: An cainéal nua náisiúnta is fearr a thosaigh le bliain.
Cainéal Spóirt na Bliana
Sky Sports: An chéad chainéal teilifíse riamh ar lú a lucht féachana teilifíse do bheochraoladh cluiche iomána ná an líon daoine a bhí i láthair ann.
Craoltóir Spóirt na Bliana
SBB. Murach go bhfuil beirt acu ann, ba dhoiligh a chreidiúint go bhféadfadh duine amháin oiread sin a dhéanamh. An Gradam Neamhchlaontachta aige arís i mbliana freisin.
Craoltóir na Bliana
Páidí Ó Lionáird. Murach go bhfuil seachtar acu ann, ba dhoiligh a chreidiúint go bhféadfadh duine amháin oiread sin a dhéanamh.
Gradam Uí Dhuinnín (cothú suime i bhfoclóireacht)
Alan Titley
Stáisiún leath-Ghaeilge na bliana
TG4
Stáisiún leath-Bhéarla na bliana
TG4
Seanfhear na Bliana (faoi 40)
Donncha Mac Con Iomaire
Seanbhean na Bliana
Níor bronnadh aon ghradam. Níor shroich éinne an caighdeán.
Clár Leabhar na Bliana (Raidió agus Teilifís)
Cuireadh an Gradam seo ar athló ceal suime agus ceal iarratais.
Suíomh Gréasáin na Bliana
Fear Rua na Bliana
Comhghradaim – Ronnie Ridge, Paddy Leonard, Tommy Connolly agus Polo Murray Mint.
Bean Rua na Bliana
Bláthnaid: Buanghradam Saoil
Gradam na ‘Pearóide Tinne’
Lucht anailíse spóirt TG4 as an nGaeilge a thabhairt as a ‘limistéar compoird’ agus ‘creidmheas ceart’ a thabhairt do thionchar an Bhéarla uirthi.
Gradam na Pornagrafaíochta Neamhchúisí
An iris Nós as a seiftiúla is a bhíonn siad ag aimsiú leithscéalta chun pictiúirí ‘brocacha’ a chrochadh ar líne.
Fág freagra ar 'Cé a bhuaigh ‘Smugairle Róin’ i mbliana? Gradaim Chumarsáide Ar Son na Cúise fógartha'