Thug Sleacht Néill leo a séú craobh Uladh tar éis bua láidir ar St John’s ó Aontroim in Ard Mhacha an Satharn seo caite. Cuireann sé sin na ríthe ó Dhoire iar comhchéim le Baile an Chaistil ar rolla na mbuaiteoirí in Ulaidh. Anois tabharfaidh foireann Paul McCormack aghaidh ar churaidh na Gaillimhe, Baile Locha Riach, agus iad ag súil dul chomh fada le ceann scríbe nach bhfuil bainte amach acu riamh – áit i gcraobh na hÉireann den chéad uair. Is iontach an club é san iomáint, sa pheil agus sa chamógaíocht ach tá sé in am acu anois an chéad céim eile a thógaint san iomáint.
Sa chluiche eile an Domhnach seo caite bhí Baile Gunnair thar barr. Tá faobhar ina gcuid imeartha nach raibh ann anuraidh, déarfainn. Mhúin siad ceacht eile dúinn agus b’iontach an tslí a n-éiríonn leo a bplean imeartha a cheangal le cruinneas fíor-álainn, cumhacht, oiliúint choirp den chéad scoth, agus galántacht. Arís i Staid Semple, d’éirigh leo é a chur i gcrích gan stró. Ag an am seo tá siad mar rogha chun a ndara craobh na hÉireann a fháil i ndiaidh na Nollag. Beidh rud éigin le rá ag buaiteoirí an lae inniu faoi sin, déarfainn.
Beidh príomhchluiche an deireadh seachtaine sa gceanncheathrú agus craobh shinsir Laighean ar siúl anocht. Tá Seamróga Bhaile Héil ar an bhfód arís sa chraobh. Cé nár éirigh go hiontach leo sa chluiche leathcheannais, tháinig siad slán a bhuíochas do na fir mhóra, fir thábhachtacha, Reid agus Cody, a rinne a ndóthain sna na nóiméid chinniúnacha. Sin comhartha d’fhoireann aibí, foireann a bhfuil taithí na mblianta acu.
Ar an taobh eile, tá Naomh Máirtín ag bailiú móimintim. Léiriú nirt a bhí i gcraobh chontae Loch Garman, agus léiriú nirt a bhí ann arís coicís ó shin. Beidh muinín acu go bhféadfaidh siad an seans a thapú in aghaidh leaids Chill Chainnigh.
Dar ndóigh, tá Naomh Máirtín ar cheann den chúpla club i Loch Garman le blianta beaga anuas a bhfuil an neart fisiciúil acu le dul i ngleic le Baile Héil.
Ar thaobh amháin tá Seamróga Bhaile Héil ann, máistrí na himeartha, ag filleadh arís amhail is nach eol dóibh conas aon rud eile a dhéanamh. Ní raibh siad dochreidte an geimhreadh seo, ach bhí siad láidir, stuama, agus maith go leor nuair a tháinig an brú. Sin go minic a mbíonn uathu. Nuair a fhaigheann Reid, Cody nó duine de na Mullens (is dócha nach mbeidh Adrian ag imirt de bharr gortú ordóige) beagán de sheilbh na liathróide, is féidir leo tréimhse chiúin a iompú ó bhonn i bhfíorbheagán ama. Tá taithí acu ar Pháirc an Chrócaigh i mí na Nollag freisin, rud a mbíonn a thionchar féin aige ar chúrsaí.
Tá buntáistí eile ag Naomh Máirtín– óige, neart agus muinín. Dhíbir siad Na Fianna amach, foireann a raibh craobh na hÉireann ina seilbh, agus ansin an Nás, foireann a bhí ar cheann de na buíonta is eagraithe sa tír le blianta beaga anuas. Léiríonn sé sin go bhfuil cumas iontu. Tá Rory O’Connor ag imirt an-mhaith, agus tá tacaíocht mhaith aige óna chomhghleacaithe. Tá an líne leathchúil láidir agus glic i mbun seilbhe. Is í an cheist mhór: an mbeidh Naomh Máirtín in ann fanacht le Baile Héil nuair a bhíonn tréimhsí máistreachta acusan? Má éiríonn leis na Carmannaigh fanacht sa chluiche, agus fós a bheith ag imirt go stuama sa cheathrú dheiridh, d’fhéadfadh an cluiche seo teacht leo. Tá na cosa agus an fhisiciúlacht acu chun Baile Héil a ghortú, b’fhéidir níos mó ná aon fhoireann eile i Loch Garman le tamall.
Ar an taobh eile, beidh súil ag Baile Héil ar a gcuid eolais — na mionsonraí bídeacha cosúil le cathain calaois a géilleadh, cathain moilliú a chur ar an bpoc amach, cathain dul gearr nó fada. Sin iad na rudaí a d’fhéadfadh Craobh Laighean eile a thabhairt dóibh. Ní chuirfidh an ócáid seo aon eagla orthu.
Ar an iomlán, tá an chuma ar an gcluiche seo go mbeidh sé crua géar.
Baile Héil mar rogha. Ach seans réalaíoch ag Naomh Máirtín má úsáideann siad a gcumas reatha agus má fhanann siad sa chath go deireadh.
Fág freagra ar 'Baile Héil an rogha, ach seans réalaíoch ag Naomh Máirtín'