Deir an PSNI go bhfuil eachtra inar crochadh póstaer frithGhaeilge lasmuigh de scoil i gcontae an Dúin á fiosrú acu mar “coir fuatha sheictigh”.
Is é a bhí ar an bpóstaer a crochadh lasmuigh de Bhunscoil Cumran ar an Chloch ná éileamh nach múinfí an Ghaeilge sa scoil.
Tugadh le fios chomh maith ar an bpóstaer nach raibh aon fháilte i scoil na Cloiche roimh daoine as iar-bhunscoil scoil Chaitliceach atá lonnaithe i gCaisleán Uidhilín.Bhí ionadaithe ón scoil sin, St. Malachy’s i láthair ag lá oscailte a bhí ar siúl sa bhunscoil ar an Chloch le déanaí.
20 years on from the Holy cross 'dispute' and still adults from the unionist community try to intimidate children when it comes to education! Beyond disgusting and no doubt will be swept under the carpet pic.twitter.com/EVfgfnZD4X
— SweetIrishGhirl (@Newrygal1) January 31, 2023
“Coinnigh an Ghaeilge amach as seomraí ranga ár bpáistí. Níl fáilte roimh St Malachy’s in CPS [Cumran Primary School]. Sínithe [ag], tuismitheoirí!”
Dúradh i ráiteas ón Bhunscoil gur baineadh anuas an póstaer láithreach agus go raibh sé “ríthábhachtach” don scoil go léireofaí meas ar an uile dhuine.
“Táimid ar an eolas faoi phóstaer a crochadh ar thailte na scoile Dé Luain, an 30 Eanáir. Nuair a fuaireamar an scéal baineadh anuas an póstaer láithreach,” a dúradh i ráiteas na scoile.
Dúradh sa ráiteas gur thacaigh scoil na Cloiche le cur chuige oideachais a thacaíonn le daoine óga ar gach leibhéal cumais, ó gach traidisiún agus ó gach cúlra.
Bhí an PSNI ar an eolas faoin eachtra, a dúradh.
Tá an PSNI ag iarraidh ar aon duine a bhfuil aon eolas acu faoin scéal teagmháil a dhéanamh leo ar 101 agus an uimhir thagartha 393 a thabhairt. Bhíothas ag caitheamh leis an eachtra mar choir fuatha sheictigh, a dúradh.
Fág freagra ar '‘Keep Irish out’ – eachtra inar crochadh póstaer frithGhaeilge lasmuigh de scoil á fiosrú mar choir fuatha'