Tá Cuan Ó Seireadáin ceaptha ina chomhfhreagraí polaitíochta le RTÉ Raidió na Gaeltachta.
Tiocfaidh Ó Seireadáin, atá ina Choimeádaí le Conradh Gaeilge, i gcomharbacht ar Eoin Ó Catháin mar Eagraí Polaitiúil an stáisiúin Ghaeltachta.
Tá Ó Catháin ag dul ag obair le Fóram, clár nua cúrsaí reatha i nGaeilge atá le tosú ar RTÉ go luath.
Tá taithí craoltóireachta ag Cuan Ó Seireadáin, arb as Baile Átha Cliath dó, le Raidió na Life agus é ina bhall de bord an stáisiúin ó 2016. Bíonn sé le cloisteáil go minic ar Raidió na Gaeltachta agus bhíodh mír aige ar feadh tamaill ar chlár tráthnóna an stáisiúin ag trácht ar chúrsaí idirnáisiúnta sna meáin.
Ceoltóir é chomh maith a thug deich mbliana ina chónaí sa Ghearmáin i mbun staidéir agus ceoil.
Thóg sé sos gairme ó Chonradh na Gaeilge in 2021 chun bliain a chaitheamh ag obair ar Inis Meáin do Chomhlacht Forbartha Inis Meáin.
Bhí sé ar dhuine d’eagarthóirí an leabhair Douglas Hyde: My American Journey, a foilsíodh in 2019.
Beidh sé lonnaithe i dTeach Laighean do RTÉ Raidió na Gaeltachta ach a gcuirfidh sé tús lena phost nua nuair a fhillfidh an Dáil an mhí seo chugainn.
Dáithí Mac Cárthaigh
An-rogha.
Comhghairdeas a Chuain.